Bill Aston

Bill Aston

Carreira na Fórmula 1
Nacionalidade	Reino Unido
Anos en activo	1952
Escudería(s)	Aston Butterworth
Grandes Premios disputados	3 (1 saída)
Campionatos	0
Vitorias	0
Podios	0
Pole positions	0
Voltas rápidas	0
Primeiro GP	Gran Premio do Reino Unido de 1952


Derradeiro GP	Gran Premio de Italia de 1952

William "Bill" Aston (nado o 29 de marzo de 1900, en Hopton, Staffordshire, finado o 4 de marzo de 1974, en Lingfield, Surrey) foi un piloto británico de carreiras que participou en tres Grandes Premios do Campionato do Mundo, en 1952, cando o campionato disputouse baixo as normas da Fórmula 2, co seu propio equipo Aston Butterworth.

Antes de tomar parte nas carreiras dos Grandes Premios do Campionato do Mundo, Aston foi piloto de probas e piloto de motocicletas. Pasouse á competición das catro rodas cun Cooper-JAP na Fórmula 3 e máis adiante debutou na Fórmula Dúas. Estivo preto de gañar unha carreira en Chimay en 1951, pilotando un Cooper de 1.100 c.c., pero o seu coche fallou na última volta.^[1] Nese mesmo ano estableceu unha marca mundial de velocidade de 500cc en Montlhéry nun Cooper aerodinámico, equipado cun motor bicilíndrico en V J.A.P..^[2]

En 1952 uniuse á Archie Butterworth para construír o Aston Butterworth, un coche que correu bastante ben, pero desafortunadamente non era moi fiable. Participou co coche no Gran Premio de Alemaña de 1952, pero fallou na segunda volta. No Gran Premio de Italia de 1952 non puido cualificar. Aston correu con 60 anos, cun Mini e un Jaguar antes de retirarse.