Bernardo García Cendán
Bernardo García Cendán, nado en Vilalba o 11 de abril de 1941 e finado en Lugo o 12 de xuño de 2012,[1] foi un sacerdote, profesor e escritor galego.
| Biografía | |
|---|---|
| Nacemento | 11 de abril de 1941  Vilalba, España |
| Morte | 12 de xuño de 2012 (71 anos) |
 | |
Traxectoria
editarFixo estudos eclesiásticos en Mondoñedo. Licenciado en Filosofía pola Universidade Católica de París e a Pontificia de Salamanca e en Socioloxía pola Universidade de París. Foi profesor no Seminario de Mondoñedo e despois párroco de Nosa Señora do Socorro de Ferrol ata 1987. Tamén foi profesor da Escola de Relacións Industriais de Ferrol, e profesor da Escola de Teoloxía da diocese de Mondoñedo. Logo foi profesor de Filosofía no Colexio Peleteiro de Santiago de Compostela e desde 1987 profesor de Socioloxía na Universidade de Santiago de Compostela.
Foi membro fundador da revista Encrucillada e da Asociación Irimia. Colaborou con artigos nas revistas Lucensia, Guía dos Libros Novos, Tempos Novos e Irimia.[1]
Tamén compuxo cancións para grupos como Fuxan os Ventos e Saraibas.[1]
Obras colectivas
editar- Meudon, une approche pastorale (París, 1970).
- Catolicismo en España (Madrid, 1985).
- "Ferrol, estructura e identidade" en O Feito diferencial galego, tomo III, Museo do Pobo Galego, 1991.
Notas
editar- ↑ 1,0 1,1 1,2 Redacción. "Morreu o escritor Bernardo García Cendán". sermosgaliza.gal. Arquivado dende o orixinal o 10 de marzo de 2016. Consultado o 13 de febreiro de 2016.