Bernardo Fernández Piñeiro
Bernardo Fernández Piñeiro, nado en Pontedeume en 1981, é un político galego. Membro do PSdeG-PSOE, é alcalde de Pontedeume tras acadar a maioría absoluta nas eleccións municipais de 2015. Ademais é o portavoz do Grupo Provincial Socialista na Deputación da Coruña e Secretario Xeral do PSdeG-PSOE na mesma provincia.
| Biografía | |
|---|---|
| Nacemento | 1981  (42/43 anos)Pontedeume, España |
| Alcalde de Pontedeume | |
| | |
| Datos persoais | |
| País de nacionalidade | España |
| Actividade | |
| Ocupación | político , músico |
| Partido político | Partido Socialista Obrero Español |
| Membro de | |
| Lingua | Lingua castelá e lingua galega |
Traxectoria editar
Músico de profesión. Militante das Xuventudes Socialistas dende 2004. Nas eleccións municipais de 2011 encabezou por primeira vez a candidatura do PSdeG-PSOE á alcaldía, e foi elixido concelleiro formando parte da oposición. Nas municipais de 2015 volveu encabezar a candidatura do PSdeG-PSOE e foi elixido alcalde de Pontedeume con maioría absoluta. No 2019 revalidou a maioría absoluta[1] acadando 9 concelleiros dun total de 13, e convertendo ao PSdeG-PSOE eumés na formación política con maior representación na Corporación Municipal da historia democrática do municipio.
No ano 2023, revalidou novamente a maioría absoluta, acabado o mellor resultado do Partido Socialista na comarca de Ferrolterra e un dos mellores da provincia da Coruña, con 9 concelleiros dunha corporación de 13.
Así mesmo, no ano 2015 foi elixido deputado provincial polo partido xudicial de Betanzos, repetindo nese cargo no 2019 e no 2023. Actualmente ocupa o cargo de portavoz do Goberno e do Grupo Provincial Socialista na Deputación.
Dende febreiro do 2022 é Secretario Xeral do PSdeG-PSOE na provincia da Coruña, tras gañar as primarias o 30 de xaneiro cun 77% dos votos fronte a Noa Díaz Varela. Así mesmo, ostentou o cargo de Vicesecretario Xeral do PSdeG-PSOE na provincia (2018-2022), así como o de Secretario de Organización Provincial (2014-2018), baixo os mandatos de Valentín González Formoso e Julio Sacristán.
Tamén é membro do Comité Federal do PSOE presidido por Pedro Sánchez, máximo órgano de control político e de dirección do Partido Socialista a nivel do Estado.
Vida persoal editar
É veciño de Centroña.
Notas editar
Véxase tamén editar
Outros artigos editar
Ligazóns externas editar
- "Fernández Piñeiro: "Estoy abierto a un pacto de izquierdas para llegar a la Alcaldía"". La Opinión de A Coruña (en castelán). 10 de abril de 2011.
| Predecesor: Gabriel Torrente Piñeiro |
 Alcalde de Pontedeume 2015 - actualidade |
Sucesor: no cargo |
| Predecesor: Valentín González Formoso |
 Sectretario Provincial do PSdeG-PSOE da Coruña 2022 - actualidade |
Sucesor: no cargo |