Batalla de Cartaxena (461)

Batalla entre vándalos e romanos no 460/461

A batalla de Cartaxena foi un enfrontamento militar naval que ocorreu o 13 de maio de 460 ou 461[1][2][3][4] entre a armada romana e a vándala, no contexto dos intentos do emperador Maioriano de reconquistar os territorios perdidos. O encontro, que tivo lugar fronte ás costas da provincia romana Cartaxinenese, saldouse cunha vitoria vándala.

Batalla de Cartaxena
Parte de Reconquista Romana de África
Data 460 ou 461
Lugar Portus Ilicitanus, Elx
Resultado Vitoria vándala
Líderes
Xenserico Maioriano
Forzas en combate
- 300 naves

Contexto editar

En 457, Maioriano accedeu ao trono do Imperio Romano de Occidente, limitado territorialmente, naquel momento, á Península Itálica, Dalmacia e algunhas partes do norte da Galia. Partindo para restaurar as antigas fronteiras do imperio, invadiu o sur da Galia en 458 e derrotou aos visigodos de Teodorico II na batalla de Arelate (actual Arles, Francia). Despois de derrotar aos godos asentados en Hispania e Septimania e impoñer a condición legal de pobo federado, Maioriano comezou a montar unha frota en Portus Ilicitanus (Santa Pola), porto de Ilici (Elx), preto de Carthago Nova (Cartaxena), coa que pretendía invadir o reino vándalo do norte de África.

Batalla editar

Na primavera de 460 ou 461, Maioriano tiña xa construídas 300 naves[4][3] e esperaba máis no outono. Os vándalos decidiron atacar antes de que o exército romano se convertese nunha forza insuperable. O 13 de maio, unha frota vándala ao mando de Xenserico atacou aos romanos por sorpresa. Moitos dos capitáns romanos foran subornados, polo que case non houbo resposta. A mariña romana quedou totalmente destruída xunto con calquera esperanza romana de reconquistar o norte de África.

Mense Maio Majorianus Hispanias ingreditur imperator: quo Carthaginiensem provinciam pertendente, aliquantas naves quas sibi ad transitum adversum Wandalos praeparabat, de littore Carthaginiensi commoniti Wandali per proditores abripiunt. Majorianus ita sua ordinatione frustratus ad Italiam revertitur.
Hidacio: Chronicon

Notas editar

  1. Luis Sánchez González, Juan José Seguí Marco: La romanización en tierras valencianas - Una historia documental. Universitat de València, València, 2012, p. 32.
  2. Ana María Ronda Femenia: L'Alcúdia de Alejandro Ramos Folqués - Contextos arqueológicos y humanos en el yacimiento de la Dama de Elche. Universidad de Alicante, Alicante, 2018, p. 316
  3. 3,0 3,1 Britannica.com: Majorian - Roman emperor
  4. 4,0 4,1 Peter Heather: The Fall of the Roman Empire - A New History of Rome and the Barbarians. Oxford University Press, New York 2006. pp. 398-400, 467 y 485.

Véxase tamén editar