Abrir o menú principal

Atentados do 11 de marzo de 2004 en Madrid

ataque terrorista

Os Atentados do 11-M ou Atentados do 11M, coñecidos tamén como 11M, foron unha serie de ataques terroristas en catro trens da rede ferroviaria de Madrid levados a cabo por unha célula terrorista de tipo xihadista,[3][4] tal e como revelou a posterior investigación policial, sentenciou a Audiencia Nacional e reiterou o Tribunal Supremo.[5] Faleceron 193 persoas e arredor de dúas mil resultaron feridas.[1][6]

Atentados do 11 de marzo de 2004 en Madrid
Atentado 11M.jpg
Restos dun dos trenes, xunto á estación de Atocha.
LugarMadrid, España
Coordenadas40°24′24″N 3°41′21″O / 40.406683333333, -3.6892916666667Coordenadas: 40°24′24″N 3°41′21″O / 40.406683333333, -3.6892916666667
Branco(s)Civís
Data11 de marzo de 2004
07:36-07:40 horas (UTC+1:00)
Tipo de ataqueXihadista
Arma(s)Mochilas bomba con dinamita tipo Goma-2 ECO
Mortos193
Feridos2057[1]
Perpetrador(es)Célula terrorista de Al-Qaeda[2]
editar datos en Wikidata ]
Homenaxe ás vítimas do 11-M na Estación de Atocha, Madrid.

Entre as 07:36 e as 07:40 (CET) do 11 de marzo de 2004, en hora punta, producíronse dez explosións case de xeito simultáneo en catro trens de Madrid. Máis tarde, e logo dun intento de desactivación, a policía detonou de forma controlada dous artefactos que non chegaron a estoupar. Despois disto, desactivaron un terceiro que permitiría, debido ó seu contido, comezar as primeiras investigacións que conducirían á identificación dos autores.

Os atentados producíronse tres días antes das eleccións xerais de 2004. Os dous principais partidos políticos españois daquela —Partido Popular (PP) e Partido Socialista Obreiro Español (PSOE)— acusáronse mutuamente de agochar ou distorsionar información relativa ós atentados por razóns electorais.

Foi o segundo maior atentado cometido en Europa por detrás do atentado de Lockerbie de 1988. Este non foi o primeiro atentado de corte xihadista perpetrado en España: en 1985 produciuse o atentado do restaurante El Descanso, que causou 18 mortes.

FeitosEditar

 
Mapa dos atentados

Os ataques consistiron nunha serie de explosións que se produciron na mañá do día 11 de marzo, entre as 7:39 e as 7:42, tres días antes da celebración das eleccións lexislativas. En total 10 mochilas-bomba estouraron en catro trens de proximidade nas estacións de Atocha, El Pozo del Tío Raimundo, Santa Eugenia e nun tren que ía entrar na estación de Atocha. A policía atopou outras tres bombas que non chegaron a estoupar e que segundo o ministro do interior, Ángel Acebes, estaban pensadas para estoupar á chegada do auxilio.

As fontes oficiais identificaron, nun primeiro momento, a ETA como a organización autora da masacre, o que negaron as forzas próximas á organización terrorista e a propia ETA nun comunicado ao día seguinte, e xa de inmediato xurdiu a hipótese dunha organización terrorista islamista radical que se reforzou ao anunciar o ministro do interior o descubrimento dunha furgoneta con detonadores unha vídeo-casete con textos do Quoram, aínda así mantívose oficialmente a tese dun atentado de ETA, o que lle supuxo ao goberno fortes críticas nalgúns medios de comunicación e polas forzas políticas da oposición.

O 13 de marzo a policía detivo a sete sospeitosos relacionados coa venda dun teléfono móbil e unha tarxeta de prepago que se atopara na furgoneta no que se atoparan os detonadores e nos días seguintes arrestáronse a novos sospeitosos, moitos ligados a grupos islamistas radicais. O 3 de abril cando a policía pretendía arrestar a varios sospeitosos nun piso de Leganés, estes fixeron estoupar explosivos, matándose eles e un policía dos Grupos de Operacións Especiais (GEO).

O xuíz encargado do caso, Juan del Olmo, acusou o 19 de marzo a varios marroquís de complicidade nos atentados e as investigacións da policía dirixíronse cara as organizacións terroristas islámicas, en especial cara células vinculadas a Al-Qaida, organización que reivindicou os atentados na noite do día 11.

Galería de imaxesEditar

NotasEditar

  1. 1,0 1,1 Documentos, El Mundo, 11 de abril de 2006. (en castelán)
  2. El País (en castelán)
  3. El Mundo (ed.). "Spanish Indictment on the investigation of 11 March" (en castelán). España. Consultado o 16 de febreiro de 2010. 
  4. O'Neill, Sean (15 de febreiro de 2007). The Times, ed. "Spain furious as US blocks access to Madrid bombing 'chief'". Londres, Reino Unido. Consultado o 16 de febreiro de 2010. The al-Qaeda leader who created, trained and directed the terrorist cell that carried out the Madrid train bombings has been held in a CIA "ghost prison" for more than a year. 
  5. Sección Segunda da Sala do Penal da Audiencia Nacional 2007, pp. 172 e 173.
  6. ZoomNews (in spanish). The 192nd victim (Laura Vega) died in 2014, after a decade in coma in a hospital of Madrid. She was the last hospitalized injured person.

Véxase taménEditar

BibliografíaEditar