Abrir o menú principal

Atanasio López Fernández

historiador e relixioso franciscano español

Atanasio López-Ordóñez y Fernández, O.F.M., nado en Boñar (provincia de León) o 12 de outubro de 1876[1] e finado en Santiago de Compostela o 1 de marzo de 1944, foi un relixioso franciscano, historiador, cronista xeral da provincia de Santiago, prolífico escritor e membro numerario da Real Academia Galega.

Atanasio López Fernández
Atanasio López Fernández.jpg
Nacemento12 de outubro de 1876
 Boñar, León
Falecemento1 de marzo de 1944 (67 anos)
 Santiago de Compostela
Nacionalidadeespañola
Ocupaciónrelixioso
editar datos en Wikidata ]

TraxectoriaEditar

Tomou o hábito franciscano en Compostela en 1891, e ordenouse sacerdote en 1899. Dirixiu El Eco Franciscano en 1904 a 1905, ano no que foi destinado a Quaracchi, Florencia. Colaborou no Archivum Franciscanum Historicum (1908) e na Revista de Estudios Franciscanos.[2] En 1915 foi nomeado correspondente da Real Academia de la Historia. Foi membro de honra da Real Sociedade Económica de Amigos do País de Santiago. De 1920 a 1931 dirixiu a publicación madrileña Archivo Íbero-Americano.[3] Publicou dous traballos en galego na revista Logos: "Conventos de Santa Clara de Pontevedra" e "Documentos galegos medievais".[4]

A proposta de Narciso Correal, Manuel Banet e Ramón de Artaza Malvárez, ingresou na RAG o 27 de xullo de 1941, canda outros académicos que o fixeron o mesmo día, dezanove en total.[5]

Lino Gómez Canedo foi o seu discípulo.

ObraEditar

  • Viaje de San Francisco a España, 1914.
  • La provincia de España de los frailes menores, 1915.
  • Estudios crítico-históricos de Galicia: conferencias leídas en el Círculo de la Juventud Antoniana de Santiago, 1916.
  • "La literatura crítico-histórica y el trovador Juan Rodríguez de la Cámara o del Padrón", 1918, conferencia.
  • Memoria histórica de los Obispos de Marruecos desde el siglo XIII, 1920.
  • San Buenaventura en la bibliografía española, 1921.
  • "El Vicariato Apostólico español de Marruecos aclaraciones necesarias", 1921.
  • Los falsos cronicones en la historia de Galicia, 1923.
  • Descripción de los manuscritos franciscanos existentes en la biblioteca provincial de Toledo, 1926.
  • Confesores de la familia real de Aragón, 1929.
  • La imprenta en Galicia. Siglos XV-XVIII, premiado en 1943 pola Biblioteca Nacional de España, editado en 1953.
  • Nuevos estudios crítico-históricos acerca de Galicia, 1947, con introdución e notas de Lino Gómez Canedo.

NotasEditar

  1. A GEG indica que naceu en novembro e Couceiro, del Riego e a RAG que foi o 12 de outubro.
  2. Enciclopedia Galega Universal.
  3. Couceiro Freijomil, A. (1952). "LÓPEZ FERNÁNDEZ, Atanasio". Diccionario bio-bibliográfico de escritores (en castelán) II. Santiago de Compostela: Bibliófilos Gallegos. p. 312-315. 
  4. Fernández del Riego, F. (1992) [1990]. Diccionario de escritores en lingua galega (2ª ed.). Do Castro. p. 636. ISBN 84-7492-465-0. 
  5. Membros de número. RAG

Véxase taménEditar

BibliografíaEditar

Outros artigosEditar

Ligazóns externasEditar