Abrir o menú principal

Antonio Pedrosa Latas

militar e político galego

Antonio Pedrosa Latas, nado en Lugo o 23 de agosto de 1916 e finado en Los Molinos (Madrid) o 25 de febreiro de 1990,[1] foi un militar e político galego.

Antonio Pedrosa Latas
Nacemento23 de agosto de 1916
 Lugo
Falecemento25 de febreiro de 1990
 Los Molinos
NacionalidadeEspaña
Ocupaciónpolítico e militar
FillosPilar Pedrosa
editar datos en Wikidata ]

Índice

TraxectoriaEditar

Participou na organización de Falange Española en Lugo baixo a dirección de José Cedrón del Valle en 1934[2]. Combateu no bando nacional durante a guerra civil española. Chegou a Tenente Coronel de Infantería. Foi asesor xurídico do Instituto Social da Mariña e secretario do Sindicato Nacional de Pesca[3]. Asesor xurídico do Ministerio de Traballo. Xefe Provincial do Movimiento Nacional na provincia de Ourense até xuño de 1940. Xefe Nacional do Sindicato da Pesca. Director Xeral Técnico do Instituto Social da Mariña.

Foi procurador en Cortes durante a primeira lexislatura do franquismo en representación da Organización Sindical, designado pola Xunta Extraordinaria da Delegación Nacional de Sindicatos. Volveu ocupar o escano durante as sete últimas lexislaturas. Foi Conselleiro Nacional, membro do IX Consello Nacional de FET y de las JONS[4] e tamén do X Consello Nacional[5].

Pedrosa Latas protagonizou en febreiro de 1976 unha intervención ante a Comisión de Defensa Nacional das Cortes, na que cualificou á Universidade de bunker marxista e dixo:[6]

"...En la Universidad de Madrid comienza a correr la sangre, pero, aunque esto es grave, no es lo más importante. Lo verdaderamente grave es que en los claustros universitarios el grito de Viva España va constituyendo ya un delito y los patriotas pasan así por delincuentes.."
Intervención ante a Comisión de Defensa Nacional das Cortes Españolas.

Nas eleccións xerais de 1977 foi candidato ao senado por Alianza Popular pero non resultou elixido.

RecoñecementosEditar

  • Medalla de Ouro do concello de Lugo.[7] Retirada en 2015.
  • CEIP Antonio Pedrosa Latas en Celeiro (Viveiro). O concello de Viveiro acordou en febreiro de 2018 aprobar á petición do CEIP Antonio Pedrosa Latas para cambiar a súa denominación pola de CEIP de Celeiro en aplicación da Lei de Memoria Histórica.[8]

Vida persoalEditar

Casou con Concepción González de Castejón Patiño e foi pai de Pilar Pedrosa González de Castejón.

NotasEditar

Véxase taménEditar