Antonio Formoso Piñeiro
Antonio Agustín Formoso Piñeiro, nado en Lira (Carnota) o 16 de febreiro de 1906,[1] foi un mestre e político galego.
| Biografía | |
|---|---|
| Nacemento | 16 de febreiro de 1906  (118 anos)Lira, España |
| Datos persoais | |
| País de nacionalidade | España |
| Actividade | |
| Ocupación | mestre , político |
| Lingua | Lingua castelá |
Traxectoria editar
Fillo de Agustín Formoso Lestón. Estudou Maxisterio en Pontevedra, educando ao seu curmán Manuel Formoso Piñeiro. Foi mestre interino da Currá (Carnota) en 1929,[2] en decembro dese ano foi nomeado para o pósito de Boa (Noia),[3] e en xaneiro de 1932 para Lira.[4] Aprobou as oposicións en decembro de 1932,[5] e foi mestre en Gaxate e en maio de 1934 foi destinado a Caldebarcos (Carnota).[6] Foi presidente das Mocedades Galeguistas de Carnota e pronunciou varias conferencias de exaltación galeguista.[7][8] Foi secretario xeral do Partido Galeguista de Carnota e presentou o mitin de Castelao en Lira. Logo do triunfo do Frente Popular en febreiro de 1936 foi nomeado concelleiro de Carnota e elixido segundo tenente alcalde. Co golpe de Estado do 18 de xullo de 1936 foi destituído.[9] Depurado, foi separado definitivamente do servizo causando baixa na escala.[10]
Vida persoal editar
Casou en Vigo con Elisa Iglesias Piñeiro en decembro de 1934 e tiveron un único fillo en común, Agustín Amadeo Formoso Iglesias.[11]
Notas editar
- ↑ Primer escalafón de maestros de escuelas nacionales existentes en 31 de diciembre de 1933. Madrid: Ministerio de Instrucción Pública y Bellas Artes. 1934. p. 17.
- ↑ El Ideal Gallego, 28-6-1929, p. 6.
- ↑ El Compostelano, 13-12-1929, p. 2.
- ↑ La Voz de Galicia, 27-1-1932, p. 2.
- ↑ El Progreso, 17-12-1932, p. 3.
- ↑ La Voz de Galicia, 8-5-1934, p. 8.
- ↑ El Pueblo Gallego, 5-11-1932, p. 12.
- ↑ El Pueblo Gallego, 23-2-1933, p. 14.
- ↑ La Voz de Galicia, 5-9-1936, p. 5.
- ↑ El Correo Gallego, 15-5-1940, p. 3.
- ↑ El Pueblo Gallego, 27-12-1934, p. 3.
Véxase tamén editar
Ligazóns externas editar
- Manuel Formoso Piñeiro, a morte dun heroi, en Nós Diario, 13-4-2019.