Anta, Areas, Tui
Anta é un lugar da parroquia de Areas, no concello pontevedrés de Tui, na comarca do Baixo Miño. Segundo o padrón municipal de habitantes do Instituto Galego de Estatística no ano 2019 tiña 189 habitantes (92 homes e 97 mulleres), un descenso de 3 habitantes respecto ao ano 2000.
| Anta | |
|---|---|
| Parroquia | Areas |
| Concello | Tui |
| Coordenadas | 42°02′31″N 8°40′33″O / 42.041944569553, -8.6759107917219 |
| Poboación | 189 hab. (2019) |
| [ editar datos en Wikidata ] | |
Toponimia
editarO topónimo Anta é bastante antigo, aparece por primeira vez nun documento de 1095. É moi probábel que faga referencia á presenza de mámoas ou túmulos funerarios[1]. Curiosamente o lugar de Anta é mencionado antes na documentación histórica ca parroquia de Areas, á que pertence (citada por primeira vez no ano 1112)[2].
Patrimonio
editarA nivel patrimonial destaca a Pedra do Aire, localizada nos montes adxuntos ao barrio, que conta cunha cruz latina gravada na pedra de orixe medieval, e a mámoa de Seixos Albos[3].
Lugares e parroquias
editarLugares de Areas
editar| Lugares da parroquia de Areas no concello de Tui (Pontevedra) | |
|---|---|
|
Anta | O Atrio | A Bouza Valada | O Carballo | Os Gaios | O Regueiro | A Toxeira |
Parroquias de Tui
editarNotas
editar- ↑ Martínez Sigüenza, X. (2010). As parroquias de Tui –síntese histórica–. Revista de Estudios Provinciais Nº 19, Deputación de Pontevedra.
- ↑ "Parroquias de Tui | Concello de Tui". tui.gal. Consultado o 2020-09-24.
- ↑ Pedra do Aire na páxina web colaborativa Patrimonio Galego.