Abrir o menú principal

Alicia Estévez

microbióloga galega

TraxectoriaEditar

Licenciouse en Bioloxía en 1977, con premio nacional fin de carreira ao mellor expediente, e en Farmacia en 1979, pola Universidade de Santiago de Compostela,[1] e fixo o seu doutoramento na Facultade de Bioloxía da mesma Universidade, coa lectura, en 1980, da tese "Supervivencia de enterovirus y virus de peces salmónidos en el medio acuático: inactivación de polio 1 por bacterias mariñas productoras de antibiótico", dirixida polo doutor Benito Regueiro Varela.[2]

Nas súa pallabras, sempre di «que é doutora en Bioloxía e licenciada en Farmacia».[1]

Alicia Estévez continuou profesionalmente as súas tarefas docentes e investigadoras na universidade compostelá, onde chegou a ser catedrática de Microbioloxía en 1991.[3]

Nos seus traballos estudou as patoloxías dos peixes e dos moluscos que teñen aproveitamento en acuicultura, dende a detección de enfermidades bacterianas ata a vacinación e o tratamento.

Entre 2004 e 2013 foi directora do Departamento de Microbioloxía e Parasitoloxía e dende 1999 coordina o programa de doutoramento en Avances en bioloxía microbiana e parasitaria.[4]

É codirectora do Grupo de Patoloxía en Acuicultura da USC, promoveu unha decena de patentes de vacinas que preveñen enfermidades en peixes de consumo diario,[5] e é, ademais, membro da Unidade de Muller e Ciencia da Xunta de Galicia.[1]

Na actualidade, o seu grupo de investigación está a traballar nun proxecto que estuda a influencia do cambio climático na aparición de enfermidades nos peixes, porque a subida da temperatura «lles gusta aos patóxenos, baixa a salinidade, os peixes estrésanse e baixan as súa defensas».[1]

En 2014 ingresou como académica da Real Academia Galega de Ciencias,[6] a segunda muller en facelo en toda a historia logo de Pilar Fernández Otero. Ademais, o 13 de decembro de 2017 ingresou na Academia de Farmacia de Galicia.[7] [8] cun discurso sobre a "Acuicultura sostenible: de la quimioterapia a la vacunación".[9] Desde 2018 a doutora Alicia Estévez forma parte do plenario do Consello da Cultura Galega, en representación da Real Academia Galega de Ciencias.[10][11]

É autora de 272 artigos, a maioría publicados en revistas do Science Citation Index (SCI), así como de 22 capítulos de libros.[7]

É inventora de oito patentes de uso en Acuicultura (vacinas, probióticos e procedementos de diagnose). [7]

Leva participado en 46 proxectos de investigación e desenvolvemento estatais, europeos e autonómicos así como en 15 de desenvolvemento tecnolóxico financiados por entidades públicas y privadas.[7]

Impartiu 48 conferencias nacionais e internacionais en congresos, mesas redondas e obradoiros ademais participar no comité de expertos nacional e internacional en diferentes comisións de avaliación de proxectos. [7]

É membro activo de dez sociedade científicas e da Unidade de Muller e Ciencia da Xunta de Galicia.[7]

ObrasEditar

No período entre 1980 e 2016 publicou tres libros, un capítulo nun libro colectivo e catro artigos en revistas científicas.

LibrosEditar

  • 1980 - Supervivencia de enterovirus y virus de peces salmonidos en el med. Santiago de Compostela: Servizo de Publicacións e Intercambio Científico. ISBN 978-84-7191-222-0.[12]
  • 1982 - Supervivencia de patógenos bacterianos y virales de peces en sistemas de cultivo. Madrid: Fundación Juan March. ISBN 84-7075-262-6.[2]
  • 2017 - Acuicultura sostenible: de la quimioterapia a la vacunación. Santiago de Compostela: Nino Centro de Impresión Digital. ISBN 978-84-947381-2-8.[13]

Colaboracións en obras colectivasEditar

  • 2015 - "Caracterización del proteoma de Edwardsiella tarda cultivada en diferentes condiciones de disponibilidad de hierro", con Noemí Buján, José Antonio Reales Calderón, Lucía Monteoliva, Concha Gil e Beatriz Magariños Ferro, en Avances en microbiología. Elena González Fandos (ed.), Logroño: Universidad de La Rioja, Servicio de Publicaciones, ISBN 978-84-606-8181-6, páxs. 144-145.[2] [14]

Artigos en revistasEditar

  • 1985 - "Antibiotic activity of epiphytic bacteria isolated from intertidal seaweeds". Con Manuel Luis Lemos Ramos e Juan Luis Barja Pérez. Microbial ecology, Vol. 11, Nº 2, páxs. 149-163. (Resume)
  • 2005 - "Iron Uptake Mechanisms in the Fish Pathogen Tenacibaculum maritimum". Con Beatriz Magariños, Manuel Luis Lemos Ramos, Jesús López Romalde e Rubén E. Avendaño-Herrera. Applied and Environmental Microbiology, Vol. 71, Nº 11, páxs. 6947-6953. ((Ler texto completo).
  • 2009 - "Avances en el conocimiento del patógeno emergente de rodaballo Edwardsiella tarda". Con Nuria de Castro-Acuña Iglesias, e Beatriz Magariños Ferro. Revista Real Academia Galega de Ciencias, Nº 28, páxs. 215-282. (Ler texto completo).
  • 2014 - "A multiplex PCR for the simultaneous detection of Tenacibaculum maritimum and Edwardsiella tarda in aquaculture". Con Nuria Castro Iglesias e Beatriz Magariños Ferro. International microbiology: official journal of the Spanish Society for Microbiology, Vol. 17, Nº 2, páxs. 111-117. (Ler texto completo).

Teses dirixidasEditar

A doutora Alicia Estévez dirixiu 16 teses de doutormento.[2][15]

RecoñecementosEditar

  • 1977 Premio nacional fin de carreira ao mellor expediente en Bioloxía.[1]
  • 1993 Premio Jaime Ferrán da Sociedade Española de Microbioloxía.[16]
  • 2006 Título de Excelencia galega en Investigación da Asociación de Empresarios galegos en Cataluña.[16]
  • 2018 Bióloga do ano polo Colexio de Biólogos de Galicia.[17]
  • 2018 Premio María Wonenburger. [18]

NotasEditar

  1. 1,0 1,1 1,2 1,3 1,4 «A las mujeres nos falta entrar en el campo de la tecnología». La Voz de Galicia, 10-12-2017.
  2. 2,0 2,1 2,2 2,3 Alicia E. Toranzo en Dialnet.
  3. Infante (2016-03-18). "Alicia Estévez Toranzo explica en la Casa de Galicia la importancia de la prevención de enfermedades y la vacunación en Acuicultura". Observatorio Español de Acuicultura (en castelán). Arquivado dende o orixinal o 06 de febreiro de 2018. Consultado o 2018-02-06. 
  4. "A catedrática Alicia Estévez Toranzo ingresará este mércores na Academia de Farmacia de Galicia". Xornal da USC. Consultado o 07/04/2019. 
  5. 6 inventos, patentes y modelos de Entévez Toranzo, Alicia en Patentes.com. Consultado o 06-08-2018.
  6. "Académicos". Real Academia Galega de Ciencias. Consultado o 07/04/2019. 
  7. 7,0 7,1 7,2 7,3 7,4 7,5 "A catedrática Alicia Estévez Toranzo ingresou na Academia de Farmacia de Galicia - USC". xornal.usc.es. Consultado o 06-02-2018. 
  8. Dra. Alicia Estévez Toranzo en "Académicos de número", Web da AFG. Consultada o 06-08-2018.
  9. Alicia Estévez analiza el uso de vacunas en acuicultura sostenible. El Correo Gallego, 14-12-2017. Consultado o 06-08-2018.
  10. "A nova directiva visita o Consello da Cultura Galega". Real Academia Galega de Ciencias. Consultado o 07/04/2019. 
  11. "Equipo de goberno". Real Academia Galega de Ciencias. Consultado o 07/04/2019. 
  12. Web do Servizo de Publicacións e Intercambio Científico da USC.
  13. Web da Editorial.
  14. Avances en microbiología. Biblioteca Nacional de España.
  15. "A catedrática Alicia Estévez Toranzo ingresou na Academia de Farmacia de Galicia". Xornal da USC. Consultado o 07/04/2019. 
  16. 16,0 16,1 "A catedrática Alicia Estévez Toranzo gaña o premio Wonenburger 2018". Xornal da USC. Consultado o 07/04/2019. 
  17. El Colegio de Biólogos de Galicia otorga la distinción de Biólogo del Año a Alicia Estévez Toranzo. En IPac. Acuicultura.
  18. "O Pleno da Muller e Ciencia acorda conceder o Premio Wonenburguer 2018 á microbióloga pontevedresa Alicia Estévez Toranzo". Xunta de Galicia. 1 de outubro de 2018. Consultado o 2 de outubro de 2018. 

Véxase taménEditar