Alfredo Pérez Viondi

Alfredo Pérez Viondi
	;
Biografía
Nacemento	1861 ; Cuba
Morte	28 de abril de 1938 (76/77 anos); Vigo, España
Alcalde de Vigo
	1929 – 1930 ; ← Mauro Alonso Cuenca – Manuel San Román Ceballos →
Gobernador civil da provincia de Huesca
Actividade
Ocupación	médico, militar, político

Alfredo Pérez Viondi, nado en Cuba en 1861 e finado en Vigo o 28 de abril de 1938,^[1] foi un médico, militar e político galego.

Traxectoria

Ingresou no Exército en 1896 e participou na guerra de Cuba e en África chegando a ser tenente coronel do corpo de sanidade militar. Médico militar da zona da Estrada, prestou servizos no Protectorado Español de Marrocos e despois no Hospital Militar de Carabanchel. Co apoio dos sectores anticaciquís e do xornal El Emigrado, presentouse en 1920 e 1923 ás eleccións a Cortes polo distrito da Estrada, pero non foi elixido. Foi director do Hospital Militar de Vigo (1922), na Ditadura de Primo de Rivera foi alcalde de Vigo (1929-1930) e gobernador civil da Provincia de Huesca. Foi presidente da Sociedad Casino de Vigo co acerto de trasladalo ó edificio do Teatro García Barbón.

Na primavera de 1935 presidiu o acto de constitución do Consello comarcal de Vigo do Partido Agrario Español.^[2]

Foi franquista e Gobernador Civil co seu réxime. Tivo diversas condecoracións: Cruz e Placa de S. Hermenexildo, Militar do Mérito Naval, da Cruz Vermella, de Mª Cristina, a Lexión de Honor Francesa etc.

Como alcalde de Vigo, preocupouse do sanitario e benéfico, Policía Municipal e adecentamento das vías públicas: finalización da praza de Portugal e arranxo de varias rúas e a aprobación de proxectos para as principais vías do barrio de Casablanca.

Vida persoal

Casou en 1897 con Sara Pereira Renda (filla de Camilo Pereira Freijenedo e irmá de Virxinia Pereira Renda, que en 1912 casou con Castelao).^[3]

Notas

↑ Necrolóxica en El Pueblo Gallego, 29-4-1938, p. 4.
↑ El Pueblo Gallego, 24-4-1935, p. 2.
↑ Arca Caldas, Olimpio (1999). "As dúas mulleres de Castelao" (PDF). A Estrada: Miscelánea histórica e cultural (2): 9–47.

Véxase tamén

Outros artigos

Alcaldes de Vigo

Ligazóns externas

Luis Teófilo Gil Cuadrado (2006). El Partido Agrario Español (1934-1936): Una alternativa conservadora y republicana

Predecesor:
Mauro Alonso Cuenca

Alcalde de Vigo
1929 - 1930

Sucesor:
Manuel San Román Ceballos

[1] Necrolóxica en El Pueblo Gallego, 29-4-1938, p. 4.

[2] El Pueblo Gallego, 24-4-1935, p. 2.

[3] Arca Caldas, Olimpio (1999). "As dúas mulleres de Castelao" (PDF). A Estrada: Miscelánea histórica e cultural (2): 9–47.

[1]

[2]

[3]

Biografía

Nacemento	1861 Cuba
Morte	28 de abril de 1938 (76/77 anos) Vigo, España

Alcalde de Vigo
1929 – 1930 ← Mauro Alonso Cuenca – Manuel San Román Ceballos →
Gobernador civil da provincia de Huesca


Actividade
Ocupación	médico, militar, político