Alfonso Magariños

Alfonso Magariños Sueiro, nado en Arcos (Cuntis) o 3 de outubro de 1936, é un sociólogo e historiador galego.

Alfonso Magariños

Biografía
Nacemento	3 de outubro de 1936 (87 anos) Arcos, España
Datos persoais
País de nacionalidade	España
Formación profesional	Xeografía e Historia, Ciencias Sociais e Teoloxía
Educación	Universidade de Santiago de Compostela Pontificia Universidade de San Tomé de Aquino
Actividade
Ocupación	sociólogo , historiador , catedrático
Xénero artístico	Ensaio
Lingua	Lingua castelá e lingua galega

Traxectoria

Licenciado en Xeografía e Historia pola Universidade de Santiago de Compostela e en Ciencias Sociais e Teoloxía pola Universidade de Santo Tomé-Roma. Desempeñou os cargos de profesor de Socioloxía na Escola Universitaria de Relacións Laborais de Vigo, cidade onde reside desde 1971, e de Xeografía e Historia nos Institutos Politécnico de Vigo, A Guarda, Marín e Mos.

Dedicouse á investigación histórica e sociolóxica, da que son froito os diversos ensaios publicados. Tamén colaborou ocasionalmente na prensa.

Obras en galego

Ensaio

• A emigración: modernización e cambio social na Galicia contemporánea (1900-1936), 1999, Laiovento.
• A obra educativa e cultural dos emigrados: Prensa da Emigración e Sociedades de Instrucción en Galicia (1900-1936), 2000, Ediciós do Castro.
• A demografía na Galicia contemporánea (1900-1936), 2003, Toxosoutos.

Obras colectivas

• Galicia: conflicto e supervivencia, 1979, Editorial Castrelos.
• O monte comunal en Galicia: unha historia de resistencia, 1999, A Fouce Edicións, A Estrada.

Obras en castelán

Ensaio

• Sacerdotes de ayer: notas históricas para la reflexión de hoy, 1972, Progaganda Popular Católica (Madrid).
• La Iglesia en la Galicia contemporánea: 1931-1936, 1978, Akal, en colaboración con Francisco Carballo.
• Los gallegos, 1979, Epidauro (Barcelona).

Véxase tamén

Ligazóns externas

• Alfonso Magariños na páxina web da Asociación de Escritoras e Escritores en Lingua Galega.