Alejandro López Sánchez
Alejandro "Álex" López Sánchez, nado en Ferrol o 11 de xaneiro de 1988, é un futbolista galego. Xoga de centrocampista e o seu actual equipo é o Racing de Ferrol da Primeira División RFEF.
| Álex López | |||
|---|---|---|---|
 | |||
| Información persoal | |||
| Nome | Alejandro López Sánchez | ||
| Nacemento | 11 de xaneiro de 1988 (36 anos) | ||
| Lugar de nacemento | Ferrol | ||
| Altura | 1,75 m. | ||
| Posición | Centrocampista | ||
| Información de club | |||
| Club actual | Racing de Ferrol | ||
| Número | 8 | ||
| Carreira xuvenil | |||
| Horreo | |||
| 1999–2000 | Racing San Pedro CF | ||
| 2000–2002 | San Rosendo CF | ||
| 2002–2005 | Racing de Ferrol | ||
| Carreira sénior | |||
| Anos | Equipos | Aprs | (Gls) |
| 2005–2007 | Racing de Ferrol | 5 | (0) |
| 2005–2006 | → O Val (cedido) | ||
| 2007–2009 | Narón | 12 | (4) |
| 2009–2010 | Celta de Vigo B | 36 | (13) |
| 2009–2017 | Celta de Vigo | 163 | (17) |
| 2015–2016 | → Sheffield Wednesday FC (cedido) | 24 | (0) |
| 2016–2017 | → Valladolid (cedido) | 30 | (1) |
| 2017–2018 | Sporting de Gijón | 11 | (0) |
| 2018–2019 | Brisbane Roar | 25 | (3) |
| 2019– | Racing de Ferrol | 96 | (7) |
| Selección nacional | |||
| 2004 | España sub-16 | 1 | (0) |
| 2005 | España sub-17 | 2 | (0) |
|
Partidos e goles só en liga doméstica. Club: actualizado a 15 de abril de 2023. [ editar datos en Wikidata ] | |||
Traxectoria editar
Formouse nas categorías inferiores do Racing de Ferrol e debutou co primeiro equipo con só 15 anos, nun partido ante o Deportivo da Coruña no Trofeo Concepción Arenal de 2003.[1] O seu debut en partido oficial produciuse o 15 de maio de 2005, nun partido da Segunda División.[2] Con tan só dezasete anos, Álex substituíu o seu compañeiro Cyril Granon no minuto 78 do partido que enfrontaba os ferroláns contra o Club Deportivo Tenerife, e que se saldou cun empate a dous tantos.
Pola falta de oportunidades no Racing, decidiu buscar outros equipos nos que demostrar as súas posibilidades. Así, tras lograr a carta de liberdade, no mercado de inverno da tempada 2006/07 asinou polo Narón Balompé da Terceira División. Tras tres campañas nesta categoría, os seus numerosos goles espertaron o interese do Celta de Vigo, polo que o 3 de xuño de 2009, e tras unha dura pugna entre o o club vigués e o Racing de Ferrol, confirmouse finalmente a súa fichaxe polo club celeste[3].
Tras pasar uns meses no filial celeste, o 9 de xaneiro de 2010 é convocado por Eusebio Sacristán para o duelo que o Celta disputou contra o Nàstic de Tarragona[4]. Con todo, non chegou a xogar ningún minuto, e o seu debut como membro do primeiro equipo viuse aprazado ata o día 13 de xuño de 2010, no partido que enfrontaba o Celta de Vigo contra a Real Sociedad.
No verán de 2019 regresou á súa cidade natal para formar de novo no Racing de Ferrol.
Clubs editar
| Ano | Club | División | Encontros | Goles |
|---|---|---|---|---|
| 2004-2005 | Racing de Ferrol | Segunda | 2 | 0 |
| 2005-2006 | SD O Val (cedido) | Terceira | ||
| 2006-2007 | Racing de Ferrol | Segunda B | 3 | 0 |
| 2007-2008 | Narón BP | Terceira | ||
| 2008-2009 | Narón BP | Terceira | ||
| 2009-2010 | Celta de Vigo B | Segunda B | 36 | 13 |
| 2009-2010 | Celta de Vigo | Segunda | 2 | 0 |
| 2010-2011 | Celta de Vigo | Segunda | 35 | 3 |
| 2011-2012 | Celta de Vigo | Segunda | 36 | 6 |
| 2012-2013 | Celta de Vigo | Primeira | 33 | 2 |
| 2013-2014 | Celta de Vigo | Primeira | 31 | 5 |
| 2014-2015 | Celta de Vigo | Primeira | 25 | 1 |
Notas editar
- ↑ "Álex López y el recuerdo de su debut con 15 años ante el Deportivo en un Concepción Arenal" (en castelán). 12 de abril de 2023. Consultado o 15 de abril de 2023.
- ↑ "O Racing fixo debutar a Álex López con 17 anos.". Arquivado dende o orixinal o 10 de marzo de 2016. Consultado o 08 de xullo de 2010.
- ↑ Álex López pecha a puerta ao Racing
- ↑ Álex López: "Debutar marcando sería un soño"