Arquidiocese católica latina de Moscova
A arquidiocese da Nai de Deus en Moscova (en latín: Archidioecesis Moscoviensis Matris Dei; en ruso: Архиепархия Божией Матери в Москве) é unha sé metropolitana da Igrexa Católica Latina. En 2004 tiña arredor de 200.000 bautizados sobre unha poboación total de 58 820 000 habitantes. Dende 2007, o seu arcebispo é Paolo Pezzi.
Territorio editar
A arquidiocese abrangue un amplo territorio, correspondente á parte setentrional e central da Rusia europea. A sé arcebispal é a cidade de Moscova, onde está a catedral da Nai de Deus. O territorio está organizado en 63 parroquias.
Historia editar
O 13 de abril de 1991 foi erixida a administración apostólica da Rusia europea, en territorios até entón pertencentes á diocese de Vladivostok.
O 30 de decembro de 1993 cedeu parte do seu territorio para erixir a administración apostólica do Cáucaso.
O 23 de novembro de 1999 mudou o seu nome polo de administración apostólica da Rusia europea setentrional, e cedeu parte do seu territorio para erixir a administración apostólica da Rusia europea meridional.
O 11 de febreiro de 2002 foi elevada ao rango de arquidiocese metropolitana, e mudou o seu nome polo de Nai de Deus en Moscova.
Episcopoloxio editar
- Administradores apostólicos da Rusia europea
- Tadeusz Kondrusiewicz (13 de abril de 1991 – 23 de novembro de 1999)
- Administradores apostólicos da Rusia europea setentrional
- Arcebispos metropolitanos da Nai de Deus en Moscova
- Tadeusz Kondrusiewicz (11 de febreiro de 2002 - 21 de setembro de 2007, nomeado arcebispo de Minsk-Mahilioŭ)
- Paolo (Pavel) Pezzi (21 de setembro de 2007 - actualidade)
Véxase tamén editar
| A Galipedia ten un portal sobre: Rusia |