A vida que che espera
A vida que che espera (en castelán: La vida que te espera) é unha coprodución cinematográfica galega dirixida por Manuel Gutiérrez Aragón. Rodada entre Galicia e Cantabria entre abril e xuño de 2003, a estrea desta cinta tivo lugar o 30 de xaneiro de 2004. A produción correu a cargo de Continental Producciones, a TVG e Tornasol Films.
| A vida que che espera | |
|---|---|
| Ficha técnica | |
| Título orixinal | La vida que te espera |
| Director | Manuel Gutiérrez Aragón |
| Produtor | Francisco Arnoso Pancho Casal Carmen de Miguel Josean Gómez Gerardo Herrero Eva Garrido |
| Guión | Ángeles González Sinde Manuel Gutiérrez Aragón |
| Intérpretes | Alfonso Agra Rosa Álvarez Celso Bugallo Víctor Clavijo Juan Diego Marta Etura Clara Lago Manuel Millán Vázquez Xosé Manuel Olveira "Pico" Santi Prego Gonzalo Rei Chao Luís Tosar Xosé Luís Bernal "Farruco" |
| Música | Xavier Capellas |
| Fotografía | Gonzalo F. Berridi |
| Estrea | 30 de xaneiro de 2004 |
| Duración | 100 minutos |
| Orixe |  Galicia |
| Na rede | |
      | |
Sinopse
editarA historia de A vida que che espera desenvólvese nunha rexión do norte de España. Alí ten lugar unha pelexa motivada por unha vaca que acaba co desenlace do asasinato de Severo (Celso Bugallo) por parte dun gandeiro chamada Xildo (Juan Diego). Este ten dúas fillas: Xenia (Clara Lago) e Val (Marta Etura). Cando o fillo do malogrado Severo, Rai (Luís Tosar), chega á vila para o enterro, sentirase atraído por Val, filla do home que matou a seu pai.
Os mozos comezan a saír xuntos. Rai aproveita esta circunstancia para sacar beneficio e afondar en como se produciu a morte de Severo. Val, presionada por Xildo, tentará tamén descubrir ata que punto está o seu mozo ó tanto de como se desenvolveu o crime e de quen o perpetrou. Malia isto, ambos acaban namorándose.
Equipo técnico
editar- Casting: Carlos Gras
- Dirección de arte: Félix Murcia
- Edición: José Salcedo
- Vestiario: Estíbaliz Markiegi
- Son: José Antonio Bermúdez, Manolo Laguna, Raúl Lasvignes, Mark A. Van Der Willigen
- Maquillaxe: Almudena Fonseca, Kenyar Padilla
- Script: Elena Gil
Premios
editarGañou 2 Premios Mestre Mateo na edición de 2004:
- Mellor guión: Ángeles González Sinde e Manuel Gutiérrez Aragón
- Mellor interpretación feminina protagonista: Marta Etura