A Lastra, Baleira

San Xoán da Lastra é unha parroquia do concello de Baleira. Os seus 68 poboadores agrúpanse en dúas entidades: A Lastra (56) e O Sollío (12) no 2013.

A Lastra
Vista da Lastra.
Concello	Baleira
Provincia	Lugo
Coordenadas	43°03′02″N 7°11′00″O
Área	4,84 km²
Poboación	62 hab. (2019)
Densidade	12,81 hab./km²
Entidades de poboación	2
[ editar datos en Wikidata ]

Xeografía

Igrexa San Xoán A Lastra, Baleira.jpg

Ten unha superficie de 4,84 km². Limita ao norte con Cubilledo e A Degolada, ao sur coa Fontaneira, ao leste con Freixo (A Fonsagrada) e ao oeste con Cubilledo e A Fontaneira. Esta parroquia formou parte da antiga xurisdición de Baleira, xunto con Cubilledo, Degolada e Librán, e pertence ó arciprestado de Monterroso.

Patrimonio

A igrexa parroquial de San Xoán da Lastra ten planta rectangular, de corte popular. Os muros son de cachotería e perpiaño de granito e lousa, e a cuberta de lousa a dúas augas. No altar maior non conserva retablo, xa que o orixinal, de estilo neoclásico e moi sinxelo, foi trasladado á sancristía.

Galería de imaxes

• 
  Vista dende A Lastra. Hortas nos campos que miran ó norte. Aquí forma un val o Rego da Bouza, baixo o Penedo Eiros á dereita e en medio A Pena Chorosa, o Pico Ribón e o Monte debaixo das Penas. Á esquerda está O Chorco.
• 
  Vista dende A Lastra. Hortas de verzas nos campos que miran ó sur, no suco profundo que forma o val do Rego de Salgueiro, coa Serra da Lastra á esquerda e A Fontaneira á dereita. Máis o fondo e no medio está A Serra da Modorra e aínda máis lonxe A Serra das Pandas cos Altos de Castonso o Pico de Barreiros.
• 
  A Lastra.
• 
  Paisaxe dende A Lastra.

Lugares e parroquias

Lugares da Lastra

Lugares da parroquia da Lastra no concello de Baleira (Lugo)
A Lastra | O Sollío

Véxase tamén

Outros artigos

• Lugares de Baleira