A Esperela, Baleira

Para outras páxinas con títulos homónimos véxase: A Esperela.

San Pedro da Esperela é unha parroquia do concello de Baleira. En 2013 tiña 317 habitantes agrupados en 16 entidades de poboación, cunha densidade media de 21 hab/km².

A Esperela
Albergue de peregrinos no Cádavo, A Esperela, Baleira
Concello	Baleira
Provincia	Lugo
Coordenadas	43°00′00″N 7°14′00″O
Área	14,63 km²
Poboación	285 hab. (2019)
Densidade	19,48 hab./km²
Entidades de poboación	16
[ editar datos en Wikidata ]

As 16 entidades de poboación son O Cádavo (161), O Candín (3), O Castro de Valdería (abandonado), Cimadevila (18), Corveira (16), A Esperela (10), A Lóngara (abandonado), Os Penedos (abandonado), Perrelos (7), Pradeda (9), Puñago (23), Sanguñedo (7), O Touzón (4), Valdería (25), Valín (8) e Vilaselle (26).

Xeografía

Limita ó norte coas parroquias de Librán e A Fontaneira; con Pousada e o concello de Baralla ó sur; polo leste co concello da Fonsagrada; e polo oeste coas parroquias da Frairía e Masoucos (Castroverde).

A altitude media é de 680 metros, sendo a altitude máxima de 730 metros, no Cádavo.

A capital de concello, O Cádavo, dispón, ademais doutros edificios, da Biblioteca Pública Municipal.

Historia

No lugar de Castro fixéronse achados prehistóricos do Castro mesmo nome e en Vilaselle é destacable a pedra de armas da casa dos Luaces.

Patrimonio

Sobresae a igrexa parroquial de San Pedro da Esperela, construída na aldea do mesmo nome. É un edificio de planta cadrada, que se divide no interior en tres naves, separadas entre si por dúas fileiras de piares. O presbiterio é de planta rectangular, e na parte posterior deste ten a sancristía, tamén de planta rectangular. Os muros son de cachotería e cantería de granito, e a cuberta de tella a dúas augas. A nave central sepárase das laterais por medio dunha aliñación de catro piares sobre os que descansa unha arcada corrida de tres arcos de medio punto, sobre os que se apoia a cuberta. O frontis está rematado por unha torre de tres corpos, o segundo cego e no terceiro con catro vans. O arco triunfal é de medio punto, con dobre aresta, ten trazas, o igual que os modillóns que se conservan na cornixa, de pertencer a primitiva construción románica.

Lugares e parroquias

Galería de imaxes

• 
  Igrexa parroquial
• 
  Fachada principal

Véxase tamén

Outros artigos

• Lugares de Baleira