AGalega
AGalega é a plataforma dixital de contidos da CRTVG creada o 17 de xaneiro de 2024, dispoñible como plataforma web e como aplicación. Esta nova marca de contidos audiovisuais en galego supón a adaptación da Televisión de Galicia e a Radio Galega ao eido dixital cara a un consumo de contidos á demanda e en aberto.[1] Foi definida como a "maior plataforma dixital audiovisual en galego do mundo".[2]
| AGalega | |
|---|---|
 | |
| Tipo | difusora e servizo de retransmisión de vídeo |
| Data de fundación | 17 de xaneiro de 2024 |
| Fundador(es) | Corporación de Radio e Televisión de Galicia |
| Sede | Santiago de Compostela |
| País | Galicia |
| Na rede | |
| https://agalega.gal/ | |
| [ editar datos en Wikidata ] | |
Historia
editarA plataforma presentouse oficialmente o 17 de xaneiro de 2024, baixo o lema "AGalega é moito máis" e nunha gala na Cidade da Cultura de Santiago de Compostela.[1] No momento do seu lanzamento, AGalega contaba con 1.400 contidos audiovisuais da Televisión de Galicia, incluíndo algúns contidos exclusivos da plataforma.[3] Ademais, AGalega conta con dúas aplicacións integradas que se poden descargar de forma individual. Para o público infantil e xuvenil, a plataforma do Xabarín (con máis de 1.400 contidos propios no momento do lanzamento)[1] e AGalega Audio, con todos os servizos da Radio Galega integrados (4.500 contidos de son dispoñibles no momento do lanzamento).[1]
AGalega conta tamén con todas as canles de directo de televisión e radio da CRTVG, polo que tamén se pode ver a televisión convencional a través da plataforma.[1] En febreiro estará dispoñible tamén nas televisións intelixentes, en Fire TV, LG e Samsung.[3]
En setembro de 2024, AGalega acadou a cifra de 1 millón de usuarios, logo de oito meses dende o seu lanzamento,[4] chegando a 200 países e manténdose no Top 20 das plataformas de contidos en España.
Notas
editar- ↑ 1,0 1,1 1,2 1,3 1,4 g24.gal, ed. (17 de xaneiro de 2024). "Nace AGalega, a plataforma dixital de contidos da CRTVG". Consultado o 18 de xaneiro de 2024.
- ↑ "Así é 'AGalega', o "Netflix" da TVG". Nós Diario. 17 de xaneiro de 2024. Consultado o 18 de xaneiro de 2024.
- ↑ 3,0 3,1 "A CRTVG presenta AGalega, unha nova plataforma dixital de contidos". La Voz de Galicia. 17 de xaneiro de 2024. Consultado o 18 de xaneiro de 2024.
- ↑ galiciapress.es, ed. (27 de setembro de 2024). "AGalega.gal, el portal para ver películas y programas en gallego, supera el millón de usuarios". Consultado o 1 de decembro de 2024.