Ángel Currás Fernández
Ángel Benito Currás Fernández, nado en Trabada[1] o 2 de decembro do 1954[2], é un profesor e político galego do PPdeG, que foi alcalde de Santiago de Compostela.
| Ángel Currás Fernández | |
|---|---|
 | |
| Datos persoais | |
| Nacemento | 2 de decembro de 1954 |
| Trabada, Provincia de Lugo | |
| Organización | Partido Popular de Galicia |
| Pai | Celso Currás López |
| Profesión | Biólogo e profesor |
| [ editar datos en Wikidata ] | |
TraxectoriaEditar
É doutor en Ciencias Biolóxicas e catedrático de ensino secundario no IES Arcebispo Xelmírez I de Santiago de Compostela. Foi profesor asociado da USC, director económico-administrativo do proxecto cultural Santiago de Compostela, Cidade Europea da Cultura do ano 2000 (1996-2000) e director-xerente da Fundación Pública Cidade da Cultura de Galicia (2000-2005). Foi Concelleiro de Cultura, Educación e Normalización Lingüística e primeiro tenente de alcalde do concello de Santiago de Compostela.[1]
Trala dimisión de Gerardo Conde Roa, accedeu á alcaldía de Santiago de Compostela en abril de 2012[3].
En xaneiro do 2013 foi citado a declarar como imputado por un presunto delito de tráfico de influencias no marco da operación Pokémon.[4]. O 9 de xuño de 2014, logo dunha fonda crise institucional, dimitiu como alcalde, sendo substituído por Agustín Hernández[5]. Continuou como concelleiro até outubro, cando foi nomeado para dirixir en Galicia a empresa Tragsa en substitución de César Aja[6].
| Predecesor: Gerardo Jesús Conde Roa |
 Alcalde de Santiago 2012 - 2014 |
Sucesor: Agustín Hernández Fernández-de Rojas |
NotasEditar
- ↑ 1,0 1,1 Ángel Curras: «Me veo poco con Conde Roa»
- ↑ "Biografía de Ángel Currás na páxina do Concello de Santiago de Compostela". Arquivado dende o orixinal o 10 de setembro de 2013. Consultado o 01 de setembro de 2013.
- ↑ A débeda con Facenda destitúe a Conde Roa da alcaldía de Santiago, artigo en Praza pública.
- ↑ Ángel Currás declárase inocente e di que non ten pensado presentar a dimisión en Praza Pública
- ↑ Feijóo envía Agustín Hernández a apagar o incendio de Santiago
- ↑ Un novo edil non electo substituirá a Currás, premiado coa dirección galega de Tragsa