Zhou Lianggong
Zhou Lianggong (chinés tradicional e simplificado: 周亮工; pinyin: Zhōu Liànggōng; Wade-Giles: Chou1 Liang4-kung1), nado en Kaifeng en 1612 e finado en 1672, foi un poeta, calígrafo, ensaísta e historiador da arte chinés.
  | |
| Biografía | |
|---|---|
| Nacemento | 1612 Kaifeng (pt)  |
| Morte | 1672 (59/60 anos) |
| Datos persoais | |
| País de nacionalidade | Dinastía Qing Dinastía Ming |
| Actividade | |
| Ocupación | pintor , poeta , calígrafo |
| Lingua | Chinés clásico e Old Mandarin (en) |
| Familia | |
| Cónxuxe | Wang Sun |
| Parentes | Zhou Taixuan (en) (descendente linear) |
Traxectoria editar
Zhou Lianggong naceu en Kaifeng en 1612, aínda que a súa familia tiña as súas orixes na cidade de Nanjing. En 1640, aprobou os exames oficiais, sendo nomeado maxistrado de Weixian (Shandong), cidade que tivo que defender das tropas manchús dos Qing. Tras a vitoria destes, comezou a servir á nova administración imperial.
En 1655, foi acusado de corrupción polo gobernador de Fujian e Zhejiang, polo que foi detido. Sería amnistiado en 1661, recuperando o seu traballo de funcionario.[1]
Obra editar
En 1671, Zhou destruíu moitos dos seus escritos,[2] mais non os dos seus asociados, aos que guiou e editou. Entre as obras conservadas, destacan unha colección de apuntamentos coñecida como Yinshuwu shuying 因树屋书影, que compuxo estando na cadea, así como unha notable selección de cartas, titulada Chidu xinchao 尺牍新抄.
Notas editar
- ↑ Wakeman 1985, p. 1001.
- ↑ Kelly 2023, p. 1.
Véxase tamén editar
Bibliografía editar
- Kelly, Thomas (2023). "Impressions of Loss: Writing and Memory in Biographies of Seal Carvers". Asia Major (en inglés) 36 (1): 1–52.
- Wakeman, Frederic E. (1985). The Great Enterprise: The Manchu Reconstruction of Imperial Order in Seventeenth-century China, Volume 1 (en inglés). University of California Press. ISBN 9780520235182.