Abrir o menú principal

Xurxo (emperador de Trebisonda)

emperador de Trebisonda

Xurxo Comneno (en grego: Γεώργιος Μέγας Κομνηνός, Geōrgios Mégas Komnēnós), nado c. 1255 e finado despois de 1284, foi emperador de Trebisonda de 1266 a 1280. Foi o fillo maior do emperador Manuel I e a súa terceira esposa, Irene Siricaina, unha nobre trapisondesa.

Xurxo
Nacementoc. 1255
 Trebizonda
Falecementopost. 1284
NacionalidadeImperio de Trebisonda e Imperio Bizantino
Ocupaciónmonarca
PaiManuel I de Trebisonda
NaiIrene Siricaina
IrmánsAndrónico II de Trebisonda, Xoán II de Trebisonda e Teodora de Trebisonda
editar datos en Wikidata ]

TraxectoriaEditar

Xurxo sucedeu ao seu medio irmán maior Andrónico II en 1266. Xurxo seguiu unha política anti-aristocrática e aliouse con Carlos de Anjou e os anti-unionistas contra o emperador bizantino Miguel VIII Paleólogo. Isto, e a súa aparente incapacidade de proporcionar un apoio eficaz contra os mamelucos de Exipto, provocaron a ira do seu señor, o ilkán mongol Abaqa. Abaqa foi un aliado bizantino e ao parecer chamou a Xurxo a comparecer ante a súa presenza. Xurxo foi entregado aos mongois polos seus cortesáns no camiño á residencia do ilkán en Tabriz en 1280 e perdeu o seu trono. O seu irmán máis novo Xoán II substituíuno.

Aínda que algunhas crónicas armenias informan que Xurxo foi executado polo ilkán, están equivocadas, xa que Xurxo sobreviviu e foi posto en liberdade despois da morte de Abaqa en 1282. En 1284 Xurxo invadiu Trebisonda, nun intento de recuperar o seu trono. Con todo, as súas forzas foron derrotadas novamente, pero Xurxo deu feito a escapar e pasou un tempo vagando polas montañas antes de ser capturado. O exilio e as aventuras de Xurxo valéronlle o alcume de «o errante» ou «o vagabundo» (Πλάνος, Plános) na Crónica de Miguel Panaretos.

Cun matrimonio descoñecido ou coa súa amante, Xurxo tivo unha filla de nome descoñecido, que casou cun nobre xeorxiano. Outra posíbel filla (ou irmá) casou co rei Demetrio II de Xeorxia.

Véxase taménEditar

BibliografíaEditar

  • The Oxford Dictionary of Byzantium, Oxford University Press, 1991.
  • A. Bryer, "The Fate of George Komnenos, Ruler of Trebizond (1266–1280)," Byzantinische Zeitschrift 66 (1973) 332-350.
  • W. Miller, Trebizond: The Last Greek Empire of the Byzantine Era, Chicago, 1926.