Xoán II de Trebisonda
Xoán II Gran Comneno (en grego: Ιωάννης Β΄ Μέγας Κομνηνός, Iōánnēs II Mégas Komnēnós), nado aprox. en 1262 e finado o 16 de agosto de 1297, foi emperador de Trebisonda desde 1280 até 1297.
| Xoán II de Trebisonda | |
|---|---|
 | |
| Nacemento | 1262 |
| Lugar de nacemento | Trebizonda |
| Falecemento | 16 de agosto de 1297 |
| Lugar de falecemento | Imperio de Trebisonda |
| Nacionalidade | Imperio de Trebisonda e Imperio Bizantino |
| Ocupación | monarca |
| Pai | Manuel I de Trebisonda |
| Nai | Irene Siricaina |
| Cónxuxe | Eudóxia Paleóloga |
| Fillos | Aleixo II de Trebisonda e Miguel de Trebisonda |
| Irmáns | Xurxo, emperador de Trebisonda, Andrónico II de Trebisonda e Teodora de Trebisonda |
| [ editar datos en Wikidata ] | |
TraxectoriaEditar
Era o fillo máis novo do emperador Manuel I e a súa terceira esposa, Irene Siricaina, unha nobre trapisondesa[1]. Xoán sucedeu no trono ao seu irmán Xurxo que foi traizoado polos seus arcontes no monte de Taurezion.
Durante o seu reinado o título dos gobernantes de Trebisonda cambiou, até entón, eles reclamaban o título tradicional dos emperadores bizantinos, «Emperador e Autócrata dos Romanos», pero a partir de Xoán II cambiouse a «Emperador e Autócrata de todo o Oriente, Iberia, e as Provincias Transmariñas», aínda que Iberia se perdeu no reinado de Andrónico I Xidos[2].
Xoán é o primeiro gobernante de Trebisonda coñecido por ter máis que uns poucos incidentes e insinuacións, xa que existe información suficiente para compor unha narración relacionada coa primeira parte do seu reinado. A crónica de Miguel Panaretos, que adoita ser concisa e mesmo críptica, é relativamente completa no reinado de Xoán, e as fontes externas engaden máis detalles ao rexistro de Panaretos. O emperador Xoán II enfrontou moitos desafíos no seu goberno, que explica en parte o seu matrimonio coa filla do emperador bizantino Miguel VIII Paleólogo, Eudoxia Paleóloga.
Xoán chegou a Trebisonda o 25 de abril de 1282 coa súa esposa, e pouco despois atopouse con dúas ameazas. A primeira viña do seu irmán Xurxo, que volvera a Trebisonda, e tentou, sen éxito, recuperar o trono. A seguinte, da súa media irmá Teodora, que o depuxo en 1284, para gobernar por pouco tempo. Xoán foi reposto non máis tarde de 1285[3].
NotasEditar
- ↑ Trapp, Erich; Walther, Rainer; Beyer, Hans-Veit; Sturm-Schnabl, Katja (1981). "12106. Κομνηνὸς ̓Ιωάννης ΙΙ.". Prosopographisches Lexikon der Palaiologenzeit (en alemán) 5. Viena: Verlag der Österreichischen Akademie der Wissenschaften.
- ↑ William Miller. Trebizond: The last Greek Empire of the Byzantine Era: 1204-1461, 1926 (Chicago: Argonaut, 1969), p. 29
- ↑ Panaretos, Chronicle, ch. 5; translated by Bryer, "The fate of George Komnenos," p. 333f
Véxase taménEditar
BibliografíaEditar
- W. Miller, Trebizond: The Last Greek Empire of the Byzantine Era, Chicago, 1926.