Xurx Riaxi
Xurx Riaxi[1] (en árabe: جورج رياشي), nado o 25 de novembro de 1933 en Kaa al Rim, preto de Sahla (gobernación de Al-Biqa, Líbano) e finado o 28 de outubro de 2012, foi un eclesiástico católico greco-melquita, dende 1995 até 2010 arcebispo de Trípoli.
| Biografía | |
|---|---|
| Nacemento | 25 de novembro de 1933  Beqaa, Líbano (pt)  |
| Morte | 28 de outubro de 2012 (78 anos) |
| Arcebispo católico | |
| 28 de xullo de 1995 – 3 de marzo de 2010 ← Elias Nijmé (en) – Iduar Dahir → | |
| 1º Bispo diocesano | |
| 26 de marzo de 1987 – 28 de xullo de 1995 – Issam John Darwich (en) → Diocese: Melkite Catholic Eparchy of St Michael, Archangel (en) | |
| Datos persoais | |
| País de nacionalidade | Líbano |
| Relixión | Igrexa católica |
| Educación | Universidade Americana de Beirute (pt) Universidade San Xosé Instituto Católico de Paris (pt) |
| Actividade | |
| Ocupación | bispo católico (1987–), sacerdote católico (1965–), teólogo |
| Consagración | Máximo V Hakim |
Traxectoria editar
Xurx Riaxi naceu o 25 de novembro de 1933 en Kaa al Rim, preto de Sahla (na gobernación de Al-Biqa, Líbano).[2][3] Ingresou na Orde Basiliana de San Xoán Bautista, facendo os votos perpetuos o 28 de agosto de 1955,[3] e logo de pasar polo seminario completou os seus estudos de Filosofía e Teoloxía na Universidade San Xosé de Beirut; estudou tamén Física e Matemáticas na Universidade Americana de Beirut e fixo un posgrao no Instituto Católico de París para especializarse no ensino da lingua francesa.[3]
Foi ordenado sacerdote o 4 de abril de 1965 polo arcebispo de Beirut e Biblos Filib Naba.[2][3] Dedicou o seu traballo pastoral á mocidade, sendo un dos dirixentes do movemento scout, administrando o seminario menor da súa orde, e dirixindo a escola secundaria de Santo Antón en Kfarxima.[3] En 1971 foi trasladado aos Estados Unidos de América, como auxiliar da parroquia de Detroit, e a partir de 1978 como párroco.[3] En 1982 foi nomeado arquimandrita.[3]
O 26 de marzo de 1987 foi nomeado bispo de San Miguel de Sidney, ao aceptar a Santa Sé o seu nomeamento polo Santo Sínodo da Igrexa greco-melquita.[2][3] Recibiu a consagración episcopal o 19 de xullo de mans do patriarca de Antioquía Máximo V Hakim.[2][3]
O 28 de xullo de 1995 foi nomeado arcebispo de Trípoli.[2][3] Retirouse o 3 de marzo de 2010. Finou o 28 de outubro de 2012 nun hospital de Biblos.[3]
Notas editar
- ↑ Tamén romanizado como George Riashi.
- ↑ 2,0 2,1 2,2 2,3 2,4 Annuario pontificio (en italiano). Cidade do Vaticano: Libreria Editrice Vaticana. 2009. p. 764. ISBN 9788820981914.
GEORGE Riashi, B.C., n. in Kaael-Rim, arciep. di Zahleh e Furzol dei Greco Melkiti, 25 nov. 1933; ord. 4 apr. 1965; el. a Saint Michael's of Sydney dei Greco Melkiti 26 mar. 1987; cons. 19 lu. 1987; pr. 28 lu. 1995.
- ↑ 3,00 3,01 3,02 3,03 3,04 3,05 3,06 3,07 3,08 3,09 3,10 "انتقل إلى رحمته تعالى المطران جورج رياشي" [Descanse en paz, arcebispo Xurx Riaxi]. Patriarcado católico greco-melquita (melkitepat.org (en árabe). Noticia do seu pasamento, que inclúe unha breve nota biográfica. 28 de outubro de 2012. Consultado o 23/04/2022.