Xosé María Arias
Xosé María Arias Mosquera, nado en Santiago de Compostela o 3 de decembro de 1953, é un avogado, empresario e banqueiro galego, presidente do Banco Pastor e conde de Fenosa.
| Xosé María Arias | |
|---|---|
| Nacemento | 3 de decembro de 1953 |
| Santiago de Compostela | |
| Nacionalidade | España |
| Alma máter | Universidade de Santiago de Compostela |
| Ocupación | avogado e banqueiro |
| Pai | Joaquín Arias Díaz de Rábago |
| [ editar datos en Wikidata ] | |
TraxectoriaEditar
Fillo do empresario Joaquín Arias Díaz de Rábago e sobriño de Carmela Arias, condesa de Fenosa, estudou a escola nos Maristas da Coruña e bacharelato nos Xesuítas de Vigo. Despois licenciouse en Dereito pola Universidade de Santiago de Compostela. Ao rematar a carreira casa e marcha a Madrid, en 1975 a prepararse para ser rexistrador da propiedade. O seu pai cae enfermo, e regresa a Galicia en 1978.
Canda o seu irmán Vicente, comeza a traballar no Banco Pastor, na asesoría xurídica (1980). En 1983 foi nomeado subdirector dos servizos xurídicos, e en 1986, incorpórase ao consello de administración como letrado asesor. En 1988, foi nomeado subdirector xeral e secretario do consello de administración. Finalmente en 1991 convértese en director xeral de Banco Pastor, e en setembro de 2001 relevou a súa tía na presidencia do Banco Pastor.
Paralelamente, convertíase en vicepresidente de Unión Fenosa e vicepresidente da Fundación Barrié, e no presidente desta última a partir do falecemento en 2009 da súa tía. Tamén é vogal do padroado da Fundación Príncipe de Asturias e da Fundación Juana de Vega.
Xosé María Arias iniciou en 2001 unha forte reestruturación do banco que se inicia co lanzamento dun primeiro plan estratéxico de 2002 a 2005 que se continúa co Plan Delta, plan estratéxico que durará ata decembro de 2008. Estudou Alta Dirección de Empresas no IESE.
GalardónsEditar
En 2011 herdou o título nobiliario de conde de Fenosa[1].
NotasEditar
- ↑ Orde JUS/1836/2011, de 15 de xuño, BOE, 2/7/2011.
Véxase taménEditar
BibliografíaEditar
- Barrera, F., ed. (2002). "Arias Mosquera, José María". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. p. 42. ISBN 84-8064-113-4.