Banco Santander
O Banco Santander é unha compañía bancaria española creada pola unión de comerciantes da entón denominada provincia de Santander, na actualidade Cantabria, cuxas primeiras actividades financeiras datan do 20 de agosto de 1857. Xorde en torno ao negocio das exportacións de trigo e cereais de Castela polo porto de Santander, ademais das importacións de produtos de América.
| Banco Santander | |
|---|---|
 | |
 Edificio do Banco Santander en Santander | |
| Tipo | Sociedade Anónima |
| Fundación | 1857 |
| Localización | Paseo Pereda, 9-12, 39004 Santander  Cantabria |
| Persoas clave | Ana Patricia Botín (Presidenta) |
| Número de empregados | 193 350 (2011) |
| Na rede | |
| https://www.santander.com/, https://www.santander.com.br/, https://www.bancosantander.es/, https://www.santander.com.mx/, https://locations.santander.com/ e https://back-branchlocator.santander.com/ | |
    | |
| [ editar datos en Wikidata ] | |
É a orixe dunha das empresas multinacionais máis importantes de España[1] tras o éxito e absorción de distintos bancos nacionais e estranxeiros, o Grupo Santander está formado principalmente polo Banco Santander Central Hispano (BSCH), creado en 1999 tras a fusión co Banco Central Hispanoamericano (BCH).
Foi banco emisor de papel moeda ata 1874, ano no que, polas medidas adoptadas polo ministro de Economía, José Echegaray, dita actividade quedou reservada ao Banco de España en exclusividade. O Banco de Santander aceptou naquel momento a oferta de permanecer como banco comercial. Emilio Botín López foi o primeiro membro desta familia que chegou a presidente en 1909, bisavó da actual presidenta do Grupo Santander Ana Patricia Botín. En 1994 adquiriu o Banco Español de Crédito (Banesto).
O 10 de marzo de 2007 o banco celebró o seu 150 aniversario cunha reunión de 1 300 directivos do banco en 22 países e o recibimento da Medalla de Ouro de Cantabria.
Notas editar
- ↑ "El Santander, elegido mejor banco del mundo". La Vanguardia (en castelán). 30-11-2017. Consultado o 13-3-2018.