Xàtiva

Xàtiva é unha cidade da Comunidade Valenciana, capital da comarca da Costera. Historicamente, Xàtiva foi unha das poboacións máis importantes do Reino de Valencia, rivalizando ata con Valencia e Orihuela, as outras dúas cidades máis importantes na época foral. Así, como Orihuela e Segorbe tiñan a súa sede episcopal, Xàtiva era a segunda cidade en votar en cortes.

Xàtiva
Localización
País	España
Comunidade autónoma	Comunidade Valenciana
Provincia	Valencia
Comarca	Costera
Xeografía
Altitude	115 msnm
Superficie	76,60 km²
Demografía
Poboación	29.363 hab. (2008)
Densidade	373,33 hab./km²
Xentilicio	Xatibín/ina
Outros datos
Código postal	46800
Alcalde	Alfonso Rus Terol (PP)
Ajuntament de Xàtiva

Actualmente ten 30.334 habitantes, incluíndo as pequenas pedanías integradas de (Annauir, Sorió, Torre d'En Lloris), e a pesar de que o seu peso demográfico actual é menor, continua a ser unha da cidade de referentes históricos e culturais.

Os habitantes de Xàtiva chámanse xativans, aínda que popularmente son coñecidos por socarrats, porque as tropas de Filipe V queimaron a cidade durante a Guerra de Sucesión Española. O ensañamento do rei foi tal con esta cidade que lle chegou a muda-lo nome polo de Nueva Colonia de San Felipe e os seus habitantes deportados cara á Mancha. Por este motivo o retrato deste rei esta cara abaixo no Museu de L'Almodí da cidade.

Xeografía

Filipe V no Museu de l'Almodí de Xàtiva.

Situado entre as cuncas do río Albaida e do seu afluente o río Cànyoles. O seu termo, ten perímetro moi desigual, xa que fóra do termo ten varios enclaves territoriais, destacando pola súa extensión o Realeng.

A cidade está enclavada aos pés do cerro do castelo (Castell) cuxas ladeiras chegan a ocupar algunhas casas, estendéndose ata a parte máis cha da veiga.

Vista de Xàtiva.

Acceso

Accédese a esta cidade, dende Valencia, a través da A-7 para enlazar coa N-340. Tamén enlaza coa autovía A-35 ata Almansa e desde aí ao centro peninsular. Tamén ten estación de ferrocarril da liña de C-2 Proximidades Valencia.

Barrios e pedanías

No termo municipal de Xàtiva atópanse tamén os seguintes núcleos de poboación:

• Annauir
• El Realenc
• Sorió
• Torre d'En Lloris

Clima

O clima en Xàtiva é clima mediterráneo, aínda que pola súa situación relativamente afastada da costa e entre vales (formando unha Foia (Pota)), os veráns son máis calorosos que noutras zonas da Comunidade Valenciana, rexistrándose frecuentemente as máximas de toda a zona e de toda a península no verán.

Demografía

Xàtiva ten 28.597 habitantes (INE 2007); un 9,0% de eles é da inmigración.

Evolución demográfica de Xàtiva
1707	1708	1787	1808	1814	1829	1857	1887	1900	1910	1920	1930	1940	1950	1960	1970	1981	1991	2000	2006	2007
12.000	400	12.665	12.000	10.872	12.596	15.747	14.099	12.600	12.737	14.148	15.087	18.263	18.092	19.896	21.578	23.755	24.586	25.478	28.474	30.334

Entre o censo de 1887 e o anterior, Xàtiva recibiu un incremento poboacional ao incorporarse o municipio desaparecido de Annauir.

Gastronomía e festas

Castelo de Xàtiva.

Vista nocturna da catedral.

Son pratos moi coñecidos o arroz ao forno, o arnadí. Dende 1250, celébrase por privilexio real de Jaume I a Fira de Xàtiva.

A celebración da Semana Santa tamén se vive con grande intensidade. Así como a celebración do Corpus Christi coa típica procesión de xigantes e cabezudos.