William Webb Ellis

Crego anglicano que é famoso por supostamente ser o inventor do fútbol de rugby

Williams Webb Ellis, nado o 24 de novembro de 1806 en Salford (Inglaterra) e finado o 24 de febreiro de 1872 no sur de Francia, foi un crego anglicano, famoso por ser considerado o inventor dun importante deporte, o rugby. Na súa honra, dende 1987, o equipo que gaña a Copa do Mundo de Rugby recibe a Copa Webb Ellis.

William Webb Ellis
William Webb Ellis.jpg
Nacemento24 de novembro de 1806
Lugar de nacementoSalford
Falecemento24 de febreiro de 1872
Lugar de falecementoMenton
SoterradoMenton
NacionalidadeReino Unido de Gran Bretaña e Irlanda
RelixiónIgrexa Anglicana
Alma máterBrasenose College, Oxford e Rugby School
Ocupaciónxogador de rugby, clérigo, inventor e xogador de criquet
editar datos en Wikidata ]
Richie McCaw erguendo a Copa Webb Ellis en 2011.

TraxectoriaEditar

Webb Ellis naceu en Salford, Lancashire (algunhas fontes din que naceu en Manchester, como o mesmo Webb Ellis dixo no censo de 1851). Williams foi o máis novo dos dous fillos de James Ellis, un oficial de cabalaría, e Webb Ann, con quen casou en 1804. Despois de que o seu pai morrera na Batalla de Albuera en 1811, a viúva Webb Ann Ellis decidiu cambiala súa residencia á localidade de Rugby, Warwickshire, para que Thomas, o irmán mais vello de Williams, puidese recibir educación de balde na Rugby School, á que tiñan dereito aqueles rapaces que vivisen nun radio de 10 millas ó redor da Torre do Reloxo de Rugby. Williams frecuentou a escola entre 1816 e 1825, e quedou rexistrado como un bo alumno e xogador de cricket. O incidente no que supostamente Webb Ellis colleu a pelota nos seus brazos durante un encontro de fútbol e correu con ela nas mans para marcar un tanto, aconteceu na segunda metade de 1823.

Despois de deixar a localidade de Rugby en 1826, foi ó Brasenose College de Oxford con 18 anos de idade. Alí xogou a cricket para a súa facultade, defendendo as cores da Universidade de Oxford fronte á Universidade de Cambridge en 1827. Despois de graduarse en 1829, entrou na igrexa anglicana, sendo capelán en Londres e máis adiante reitor en Magdalen Laver, Essex. O único retrato coñecido del apareceu no Illustrated London News, en 1854, despois de dar un sermón sobre o tema da Guerra da Crimea.

Orixe do mitoEditar

A única fonte sobre a historia de Webb Ellis collendo o balón coas mans nun encontro de fútbol é Matthew Bloxam, un anticuario local e antigo alumno de Rugby. O 10 de outubro de 1876 Bloxam escribiu un artigo para The Meteor (a revista da Rugby School) no cal narrou como, segundo unha fonte sen identificar, se levou a cabo o troco dun deporte que se xoga cos pes converténdose noutro que se xoga coas mans, troco que foi "... orixinado por un neno da cidade chamado Ellis, Webb Ellis".

O 22 de decembro de 1880, noutra carta a The Meteor, Bloxam elaborou a historia:

"Un neno chamado Ellis - William Webb Ellis - un neno do pobo e un pioneiro, ... mentres xogaba ó fútbol no equipo principal do colexio, en 1823, colleu o balón nos seus brazos. De acordo coas normas daquela época, debería terse detido, camiñar cara atrás todo o que quixese, mentres que os rivais poderían achegarse a el só ata o lugar onde collera a pelota, e non podería avanzar polo campo ate darlle unha patada ó balón ou pasarlla a un compañeiro para que fose el quen lle dese a patada, sendo como era naqueles tempos o xeito mais cotiá de anotar goles. Ellis, por primeira vez, ignorou esa regra, e no canto de retirarse cara atrás, foi para adiante co balón nas súas mans en dirección á zona de anotación, cun resultado que descoñezo, e descoñezo tamén como esta violación dunha regra ben coñecida foi seguida, ou cando pasou a ser, como é agora, unha regra vixente do xogo. "

Véxase taménEditar

Ligazóns externasEditar