Unicorn
O unicorn foi unha moeda escocesa de ouro do sistema da libra escocesa cuñada entre 1484 e 1525, caracterizada pola representación nos seus anversos dun unicornio, un dos símbolos nacionais de Escocia.
_MET_SF2002_399_1_img1.jpg)
_MET_SF2002_399_1_img2.jpg)
Historia editar
Xacobe III (1460-1488) introduciu o unicorn como nova moeda de ouro no sistema monetario escocés, co valor de 18 xilins escoceses. Tiña un peso de 3,81 gramos, unha lei de 21 quilates e un diámetro de arredor de 26 mm.[1][2][3][4]
Aqueles primeiros unicorns caracterizábanse pola lenda EXVGAT : DE : ET : DISIPENT : NIMICI : E :[5] ("que Deus se erga e que os seus inimigos sexan dispersados") no anverso, rodeando o motivo principal do unicornio en pé cara á esquerda cunha coroa no pescozo e unha cadea baixo as patas, que sostén un escudo coas armas de Escocia. A lenda do reverso era unha variante da do anverso, EXVRGAT DE ET DISIPENT NIMICIE, e o centro estaba ocupado por unha estrela de raios ondulados sobre unha cruz florida.[1][4][6]
As emisións desta moeda baixo Xacobe IV (1488-1513) reproducen as emitidas polo seu pai, coa única diferenza substancial da lenda do anverso, que neste caso era IACOBVS : DEI : GRACIA : REX : SCOTR ("Xacobe, pola graza de Deus, rei dos escoceses").[7][6] Xacobe IV emitiu tamén moedas de medio unicorn, con valor de 9 xilins, un peso de 1,9 gramos e un diámetro de arredor de 19 mm.[4][8]
O unicorn tamén foi emitido a nome de Xacobe V (1513-1542), seguindo a mesma tipoloxía xeral dos seus predecesores mais agora cun valor inicialmente de 20 xilins escoceses e que chegou finalmente a 22 xilins.[9] Este monarca foi o derradeiro en cuñar o unicorn.[10][6]
Notas editar
- ↑ 1,0 1,1 "1 Unicorn - James III". Numista.
- ↑ Stewart, I. (1955).
- ↑ Belaubre, J. (1996).
- ↑ 4,0 4,1 4,2 Clarke, J. (1971).
- ↑ Salmos, 67:2.
- ↑ 6,0 6,1 6,2 Grueber, H. (1899).
- ↑ "1 Unicorn - James IV". Numista.
- ↑ "½ Unicorn - James IV". Numista.
- ↑ "Scottish Coins". Elks, K. Coinage of Great Britain. Celtic to Decimalisation. Part 12.
- ↑ "1 Unicorn - James V". Numista.
Véxase tamén editar
Outros artigos editar
Bibliografía editar
- Belaubre, J. (1996). Dictionaire de Numismatique médiévale occidentale. París. Léopard d'Or. ISBN 2-86377-121-3.
- Burns, E. (1887). The Coinage of Scotland. Volume I, volume II, volume III. Black, Edimburgo.
- Clarke, J. (1971). "The Early Unicorns and the Heavy Groats of James III and IV". En British Numismatic Journal. British Numismatic Society. Vol. 40. Páxinas 62-96.
- Grueber, H. (1899). Handbook of the Coins of Great Britain and Ireland in the British Museum. Londres [reimpresión de 1970: ISBN 1402110901]
- Klütz, K. (2004). Münznamen und ihre Herkunft. Viena. Moneytrend Verlag. ISBN 3-9501620-3-8.
- Stewart, I. (1955). The Scottish Coinage. Londres. Spink & Son.