Ucronía
A ucronía é un subxénero literario da ficción especulativa (ou da ciencia ficción) referido a un tempo inexistente, non por ocorrer no futuro senón por ser unha visión alternativa deste debido a que a historia da humanidade transcorrera de xeito diferente a como de feito transcorreu. A trama transcorre nun mundo no cal a historia posúe un punto de diverxencia da historia tal e como a coñecemos. A literatura de historia alternativa fai a seguinte pergunta: "que acontecería se a historia tivese transcorrido de maneira diferente?" A maioría das obras do xénero están baseadas en eventos históricos reais, aínda que aspectos sociais, xeopolíticos e tecnolóxicos se teñan desenvolvido diferentemente. Malia que en certo grao toda a ficción pode ser descrita como "historia alternativa", un representante axeitado do subxénero contén ficción na cal un punto de diverxencia ocorre no pasado, facendo que a sociedade humana se desenvolva de maneira distinta.
![](http://upload.wikimedia.org/wikipedia/commons/thumb/e/e7/Fatherland%27s_1964_Europe.jpg/300px-Fatherland%27s_1964_Europe.jpg)
Dende os anos 1950, este tipo de ficción fundiuse en gran parte cos tropos da ficción científica arredor do entrecruzamento de períodos históricos, tempo paralelo, viaxes entre historias/universos alternativos (ou coñecemento psíquico da existencia do "noso" universo por persoas noutro, como nas obras de Dick e Nabokov), ou ben en viaxes "cara a adiante" e "cara a atrás" no tempo resultando na partición da historia en dúas ou máis liñas temporais. Cruzamento de épocas, partición do tempo e temas da historia alternativa estiveron tan entrelazados que é imposíbel distinguilos individualmente. O libro de 1962 The Man in the High Castle de Philip K. Dick, no cal os nazis gañaron na segunda guerra mundial, é un dos exemplos mais famosos de historia alternativa, tendo marcado profundamente este xénero.
Etimoloxía
editarUcronía é un neoloxismo que está baseado na palabra utopía (un lugar que non existe) e na palabra grega para "tempo", chronos. Unha uchronie, polo tanto, é definida como un tempo que non existe. Outro termo ocasionalmente utilizado (principalmente en castelán) é "alohistoria" (lit. "outra historia").[1]
Notas
editarVéxase tamén
editarBibliografía
editar- Chapman, Edgar L., e Carl B. Yoke (eds.). Classic and Iconoclastic Alternate History Science Fiction. Mellen, 2003
- Collins, William Joseph. Paths Not Taken: The Development, Structure, and Aesthetics of the Alternative History. Universidade de California at Davis 1990
- Gevers, Nicholas. Mirrors of the Past: Versions of History in Science Fiction and Fantasy. Universidade de Cidade do Cabo, 1997
- Hellekson, Karen. The Alternate History: Refiguring Historical Time. Universidade de Kent Press, 2001
- McKnight, Edgar Vernon, Jr. Alternative History: The Development of a Literary Genre. Universidade de Carolina do Norte en Chapel Hill 1994
- Rosenfeld, Gavriel David. The World Hitler Never Made. Alternate History and the Memory of Nazism. 2005
- Snider, Adam. "Thinking Sidewise: Tips for building an Alternate History collection". School Library Journal abril de 2004