Transexualidade

condición na que a identidade de xénero do individuo non coincide co sexo atribuído ao nacer

O transexual é un dos colectivos representados no acrónimo LGTBI. Unha persoa transexual é aquela cuxa identidade de xénero non coincide coa asignada no momento do nacemento a partir da súa morfoloxía xenital.

Amanda Lepore, transexual.

A palabra transexual identifica a quen se someteu a procedementos médicos cirúrxicos e endócrino para axustar o seu corpo á súa identidade de xénero. Quen non pasa por procedementos médicos é denominado persoa transxénero. Porén, o concepto transexual adoita aplicarse a ambas as dúas realidades. Ademais da adecuación corporal ao seu corpo, as persoas transexuais experimentan tamén un proceso de transición psicolóxica e social para adecuarse á súa identidade de xénero.[1]

As mulleres transexuais son aquelas que naceron cuns xenitais considerados masculinos e foron socializadas como homes. Os homes transexuais son aqueles que naceron cuns xenitais considerados femininos e foron socializados como mulleres.

DespatoloxizaciónEditar

A transexualidade foi durante moito tempo considerada unha doenza, mesmo en círculos científicos.[1] [2] Porén, a Organización Mundial da Saúde (OMS) publicou en 2018 unha actualización do seu manual de enfermidades para despatoloxizar a transexualidade. Deste xeito, saíu do capítulo de trastornos para pasar a formar parte dunha epígrafe sobre condicións relativas á saúde sexual.[3]

Aspectos legaisEditar

No ano 1983 deixou de considerarse delito en España a cirurxía de reasignación de xénero. En 1987 o Tribunal Supremo dita a primeira sentenza na que se declara a favor de recoñecer o cambio de sexo e nome legal dunha persoa transexual. En 1989 o Parlamento Europeo aproba a Resolución Contra a Discriminación das Persoas Transexuais.[4]

No 2006 emítese a Circular 7/2006, do 9 de marzo, sobre integración penitenciaria de persoas transexuais nos cárceres españois.[4]

CaracterísticasEditar

Os requisitos mínimos para que unha persoa sexa considerada transexual están sempre en debate. Algunhas persoas achan que as mudanzas provocadas por tratamento hormonal, sen alteracións cirúrxicas, son suficientes para cualificar o uso do termo transexual. Outros, especialmente médicos, acreditan que existe un conxunto de procedementos que deben ser seguidos sempre. O público en xeral moitas veces define “un/unha transexual” como alguén que fixo ou planea facer unha cirurxía de “reasignación de sexo”. O termo corrente en uso para definir mudanzas das características sexuais é Cirurxía de Reasignación Sexual - CRS (Sex Reasignment Surgery - SRS, en inglés). Este termo reflicte a idea de que as persoas transexuais non están “mudando de sexo”, senón corrixindo os seus corpos.

Entre tanto, ten sido comunmente aceptado que o desexo de pertencer ao sexo oposto, ou a afirmación de que determinada persoa é do sexo oposto ao sexo designado no nacemento, xa é condición suficiente para considerar a alguén transexual, o que se coñece como autodeterminación de xénero.[5]

Transxénero é considerado un termo paraugas para persoas que foxen dos roles de xénero. Entre tanto moitas persoas transexuais non se identifican como transxénero. Algúns ven transxénero como descaracterización e non recoñecemento de súas identidades, porque para estes o termo significa "quebra de papeis sociais de xénero", cando de feito se ven a si mesmos como pertencentes a un rol de xénero, pero diferente do que lles foi asignado no nacemento.

ReferenciasEditar

  1. 1,0 1,1 Roa, Alberto. "Preguntas frecuentes - Identidad de género: transexualidad". www.fundaciontriangulo.org (en castelán). Arquivado dende o orixinal o 07 de maio de 2017. Consultado o 2019-02-01. 
  2. LGTBI. "La OMS dejará de considerar la transexualidad un trastorno, pero pasará a llamarla "incongruencia de género"". eldiario.es (en castelán). Consultado o 2019-02-01. 
  3. "La OMS deja de considerar la transexualidad un trastorno mental". elDiario.es. Consultado o 26 de setembro do 2022. 
  4. 4,0 4,1 "Aspectos legales". AET–Transexualia (en castelán). 2015-04-20. Consultado o 2019-02-01. 
  5. "¿Qué es la autodeterminación de género, la principal novedad de la 'ley trans'?". RTVE. Consultado o 26 de setembro do 2022. 

Véxase taménEditar

Outros artigosEditar