Un órgano sexual ou órgano reprodutor é calquera parte anatómica do corpo dun organismo complexo que participa na reprodución sexual e que xuntos constitúen o sistema reprodutor. Os órganos visibles externos, en machos e femias, son os órganos sexuais primarios coñecidos como xenitais. Os órganos internos coñecidos como órganos sexuais secundarios[1][2] e son chamados ás veces como xenitais internos. As características que comezan a aparecer durante a puberdade, como no caso dos humanos o pelo pubiano en ámbolos dous sexos ou o pelo facial nos homes, son coñecidas como características sexuais secundarias.

Os órganos sexuais dunha alga verde son o anteridio macho (vermello) e o arquegonio femia (marrón).

Musgos, fentos e algunhas plantas semellantes teñen gametanxios como órganos reprodutores, que forman parte do gametófito.[3] As flores das plantas anxiospermas producen pole e óvulos, pero os órganos sexuais propiamente están dentro do gametófito co pole e o óvulo.[4] As coníferas producen as súas estruturas reprodutivas contidas dentro de piñas e pole. As piñas e o pole non son eles mesmos órganos sexuais.

Notas editar

  1. Collins English Dictionary (ed.). "Sex organ (sɛks ˈɔːɡən)". Consultado o 14 de setembro de 2013. 
  2. P. R. Ashalatha, G. Deepa (2012). Textbook of Anatomy and Physiology for Nurses. JP Medical Ltd. pp. 252–274. ISBN 9350254239. Consultado o 14 de setembro de 2013. 
  3. "Mosses and Ferns". Biology.clc.uc.edu. 16 de marzo de 2001. Arquivado dende o orixinal o 28 de xullo de 2012. Consultado o 1 de agosto de 2012. 
  4. Emc.maricopa.edu, ed. (18 de maio de 2010). "Flowering Plant Reproduction". Arquivado dende o orixinal o 16 de agosto de 2018. Consultado o 1 de agosto de 2012.  Arquivado 16 de agosto de 2018 en Wayback Machine.

Véxase tamén editar

Bibliografía editar

  • Leonard, Janet L. and Alex Córdoba-Aguilar (2010). The Evolution of Primary Sexual Characters in Animals. Oxford: Oxford University Press. ISBN 0199717036.