Torres Vedras
Torres Vedras é unha cidade portuguesa do Distrito de Lisboa. Pertence á Rexión Centro e á subrexión de Oeste. O seu nome deriva do latín e significa 'Torres vellas' (da mesma forma que Pontevedra significa 'Ponte vella').
| Torres Vedras | |||
|---|---|---|---|
| |||
| |||
 | |||
| Estado | Portugal | ||
| Capital | n/d | ||
| • Poboación | n/d | ||
| Lingua oficial | Portugués | ||
| • Total | 405.89 km² | ||
| • % auga | n/d | ||
| • Total (2004) | 75494 hab. | ||
| • Densidade | n/d | ||
| Xentilicio | Torreense, Torriense | ||
| Fuso horario | UTC±00:00 | ||
| Prefixo telefónico | 2560 Torres Vedras | ||
É sede do maior municipio do Distrito de Lisboa con 405,89 km² de área e 79.465 habitantes (2011), subdividido en 20 freguesías. O municipio limita ao norte co de Lourinhã, ao nordeste con Cadaval, ao leste con Alenquer, ao sur con Sobral de Monte Agraço e Mafra e ao oeste co litoral do océano Atlántico. Torres Vedras posúe a categoría de cidade desde o 2 de marzo de 1979.
HistoriaEditar
Situado na rexión occidental de Portugal, o territorio de Torres Vedras está poboado desde a antigüidade. Xacementos recentes confirman asentamentos de comunidades de recolectores, cazadores, agricultores e metalúrxicos, as cales deron paso posteriormente a gregos e romanos.
O nome orixinal do lugar é misterioso, que parece identificarse co oppidum Chretina.[1] Pero calquera que sexa a fixación de data, o nome Turres Veteras> Torres Vedras, isto lembra as vellas torres, porque o vello, a súa primitiva fortificación, probabelmente mesmo construídos na época romana.[2]
Afonso I de Portugal reconquistou a praza no ano 1147. Durante o reinado de Sancho I (1185-1211), foille concedida a primeira organización municipal. Con todo, só o 15 de agosto de 1250, Afonso III de Portugal, alcumado O Borgoñés, dotou aos homes e vasalos da vila dun Foro. Durante o século XIII, a cidade experimentou un gran crecemento.
PoboaciónEditar
| Poboación do municipio de Torres Vedras (1801 – 2004) | ||||||||
|---|---|---|---|---|---|---|---|---|
| 1801 | 1849 | 1900 | 1930 | 1960 | 1981 | 1991 | 2001 | 2004 |
| 17.244 | 15.021 | 35.726 | 47.917 | 58.837 | 65.039 | 67.185 | 72.250 | 75.494 |
FreguesíasEditar
As freguesías de Torres Vedras son as seguintes:
- A dos Cunhados
- Campelos
- Carmões
- Carvoeira
- Dois Portos
- Freiria
- Maceira
- Matacães
- Maxial
- Monte Redondo
- Outeiro da Cabeça
- Ponte do Rol
- Ramalhal
- Runa
- Santa Maria do Castelo e São Miguel (Torres Vedras)
- São Pedro da Cadeira
- São Pedro e Santiago (Torres Vedras)
- Silveira
- Turcifal
- Ventosa
TurismoEditar
No ano 2012 Torres Vedras recibiu o premio QualityCoast de ouro polos seus esforzos por converterse nun destino turístico sustentábel. Grazas a este premio Torres Vedras foi seleccionada para ser incluída no atlas global do turismo sustentable, DestiNet.
Camiño de SantiagoEditar
Torres Vedras está situada na variante do Camiño Portugués chamada Caminho do Mar.
A freguesía de São Pedro e Santiago de Torres Vedras presenta a cuncha heráldica da vieira no brasón.
NotasEditar
- ↑ Vedras, Câmara Municipal de Torres. "Torres Vedras - A História do Nome". www.cm-tvedras.pt (en portugués). Consultado o 2022-04-22.
- ↑ solutions, Cabreira. "Cidade Torres Vedras". Granfondo Torres Vedras Montejunto (en portugués). Consultado o 2022-04-22.
Véxase taménEditar
Wikimedia Commons ten máis contidos multimedia na categoría: Torres Vedras  |
Outros artigosEditar
Ligazóns externasEditar
- Páxina oficial (en portugués)