The Offspring

	The Offspring no ano 2001
Orixe	Huntington Beach (California), Estados Unidos
Período	1984 – presente
Xénero(s)	punk rock, skate punk, pop punk
Selo(s) discográfico(s)	Black Label Records, Nemesis Records, Epitaph Records, Columbia Records
Membros	Dexter Holland; Noodles; Todd Morse
Antigos membros	Ron Welty; Atom Willard; Josh Freese; James Lilja; Jim Benton; Doug Thompson; Greg K; Pete Parada
Na rede
	www.offspring.com

The Offspring, ou simplemente Offspring, é un grupo de música punk rock estadounidense, formado en Huntington Beach (California), no ano 1984. A banda está integrada en 2021 por Bryan Dexter Holland e Noodles (os dous membros desde o principio da banda), e Todd Morse; outros membros foron Ron Welly, Atom Willard, Josh Freese, James Lijla, Jim Benton, Dough Thompson, o baixista Greg K que deixou a banda en 2019 e o percusionista Pete Parada, expulsado en agosto de 2021. Parada padece a doenza de Guillain-Barré (enfermedade do sistema inmunitario que ataca aos nervios), e decidiu non vacinarse da Covid por recomendación médica. Nun comunicado afirmou "Non teño sentimentos negativos cara á miña banda. Están facendo o que cren que é o mellor para eles, mentres eu fago o mesmo" e anunciou que ía colaborar musicalmente coa súa filla.^[1] Dexter Holland é doutor en bioloxía molecular cunha tese sobre VIH e ARN.^[2]

A banda é acreditada, xunto coas californianas Green Day e Rancid, por revivir o interese masivo polo punk rock nos Estados Unidos durante mediados dos anos 90. O seu último disco é Let the Bad Times Roll, publicado en abril de 2021, e até esa data The Offspring leva editados dez álbums de estudio, un recompilatorio, catro EPs e tres DVDs. Levan vendidos ao redor de 34 millóns de álbums en todo o mundo, sendo unha das bandas de punk rock con máis vendas de todos os tempos. Todos os álbums dende a edición do seu derradeiro traballo con Epitaph Smash venderon un mínimo dun millón de copias.

O 2 de agosto de 2021, o batería Pete Parada anunciou que fora despedido de The Offspring por negarse a vacinarse contra a COVID-19.^[3] Nunha entrevista en novembro de 2021, Holland e Wasserman detallaron os "obstáculos" que seguían atopando á hora de considerar o que sería necesario para organizar unha xira cun membro do grupo non vacinado, e afirmaron que a decisión se tomou "polo momento"^[4]; Non obstante, en agosto de 2021, Pete Parada anunciou que fora despedido non só da xira senón tamén do estudo.

Noodles e Parada, batería do grupo até 2021

Discografía

Álbums

Álbum	Ano	Selo
The Offspring	1989	Nemesis Records, Nitro Records
Ignition	1992	Epitaph Records
Smash	1994	Epitaph Records
Ixnay on the Hombre	1997	Columbia Records, Epitaph Records
Americana	1998	Columbia Records
Conspiracy of One	2000	Columbia Records
Splinter	2003	Columbia Records
Rise and Fall, Rage and Grace	2008	Columbia Records
Days Go By	2012	Columbia Records
Let the Bad Times Roll	2021	Concord Records
Supercharged	2024	Concord Records

Notas

↑ "O batería Pete Parada, fóra de The Offspring por causa da vacina". Consequence.net.
↑ "Entrevista a Dexter Holland". Reocities. Archived from the original on 15-12-2013. Consultado o 4-8-2021.
↑ "https://twitter.com/peteparada/status/1422226668895326209". Twitter. Consultado o 2022-01-05. Ligazón externa en |title= (Axuda)
↑ Pingitore, Silvia (2021-11-07). "Interview with The Offspring: Dexter and Noodles talk punk again". the-shortlisted.co.uk (en inglés). Consultado o 2022-01-05.

Ligazóns externas

[1] "O batería Pete Parada, fóra de The Offspring por causa da vacina". Consequence.net.

[2] "Entrevista a Dexter Holland". Reocities. Archived from the original on 15-12-2013. Consultado o 4-8-2021.

[3] "https://twitter.com/peteparada/status/1422226668895326209". Twitter. Consultado o 2022-01-05. Ligazón externa en |title= (Axuda)

[4] Pingitore, Silvia (2021-11-07). "Interview with The Offspring: Dexter and Noodles talk punk again". the-shortlisted.co.uk (en inglés). Consultado o 2022-01-05.

[1]

[2]

[3]

[4]