Subida a Almofrei
A Subida a Almofrei foi unha carreira automobilística de montaña, celebrada en Almofrei, no concello de Cotobade (hoxe Cerdedo-Cotobade), de xeito interrompido entre 1970 e 2009. Foi puntuable para o Campionato de Galicia de Montaña e en varias ocasións tamén para o Campionato de España.
| Subida a Almofrei | |
|---|---|
| Fundación | 1970 |
| Rexión | Almofrei |
| Copa |  Campionato de Galicia de Montaña Campionato de España de Montaña |
| Máis laureado | Camba (5) |
| Organizador | Escudería Pontevedra Escudería Morrazo Escudería Pontevedra Motor Vigo |
Historia editar
A subida naceu en 1970, da man da Escudería Pontevedra, que organizou en febreiro dese ano a primeira edición, da que resultou gañador o coruñés Eusebio Bonjoch, conducindo un Fiat Abarth 1000.[1] Pasaron tres anos ata que en marzo de 1973 se celebrou a segunda edición, na que o triunfador foi o vigués Luis Quinzán, a bordo dun Alpine A110 1470, por diante de Carlos Arrojo.[2] En 1974 a vitoria foi para Humberto Rodríguez, e ao ano seguinte foi Estanislao Reverter o vencedor, conducindo o seu famoso Alpinche.[3] En 1976 gañou o Alpine de Santiago Salido, mentres que en 1977 o pontevedrés Alberto González "Camba" lograba a primeira das súas cinco vitorias na proba, despois de quedar segundo o ano anterior.[4][5]
Tras a edición de 1979 disolveuse a Escudería Pontevedra, polo que a proba deixou de disputarse, ata que en 1982 volveu ser organizada por unha comisión formada polo expresidente da escudaría, Suso Martínez, xunto a Paco Outeda e Corujo.[6] Camba gañou tamén esa edición, así como a do ano seguinte, organizada pola Escudería Morrazo. En 1985 tomou as rendas a renacida Escudería Pontevedra, triunfando o asturiano Víctor Abraham.[7] Despois de anos puntuando para o Campionato de Galicia de Montaña, en 1987 a proba formou parte por primeira vez do calendario do Campionato de España,[8] vencendo Pancho Egozkue, que ademais se proclamou campión de España con ese triunfo.[9] A subida mantívose como proba do nacional durante seis edicións, ata 1992. Tras dous anos sen disputarse, volveu en 1995 para despedirse, debido a que uns cambios no trazado impedirían a realización de máis edicións.[10] Con todo no século XXI celebráronse dúas novas edicións, en 2008 e 2009.
Palmarés editar
| Ano | Nome | Vencedor | Vehículo |
|---|---|---|---|
| 1970 | I Subida a Almofrei | Eusebio Bonjoch
|
Fiat Abarth 1000 |
| 1973 | II Subida a Almofrei | Luis Quinzán
|
Alpine A110 1470 |
| 1974 | III Subida a Almofrei | Humberto Rodríguez
|
Seat 1430 1800 |
| 1975 | IV Subida a Almofrei | Estanislao Reverter
|
Alpinche |
| 1976 | V Subida a Almofrei | Santiago Salido
|
Alpine A110 1800 |
| 1977 | VI Subida a Almofrei | Camba
|
Selex 1800 |
| 1978 | VII Subida a Almofrei | Joan Llagostera
|
Osella BMW |
| 1979 | VIII Subida a Almofrei | Camba
|
Selex 1800 |
| 1982 | IX Subida a Almofrei | Camba
|
Selex 2000 |
| 1983 | X Subida a Almofrei | Camba
|
Selex 2000 |
| 1985 | XI Subida a Almofrei | Víctor Abraham
|
Selex Manso |
| 1986 | XII Subida a Almofrei | Camba
|
Selex 2000 |
| 1987 | XIII Subida a Almofrei | Francisco Egozkue
|
Lola BMW CS |
| 1988 | XIV Subida a Almofrei | Francisco Egozkue
|
Osella BMW |
| 1989 | XV Subida a Almofrei | Luis Martínez
|
Lola BMW |
| 1990 | XVI Subida a Almofrei | Luis Martínez
|
Lola BMW |
| 1991 | XVII Subida a Almofrei | Luis Martínez
|
Lola BMW |
| 1992 | XVIII Subida a Almofrei | Luis Martínez[11]
|
Lola BMW |
| 1995 | XIX Subida a Almofrei | José Santos
|
Osella BMW |
| 2008 | XX Subida a Almofrei | Toño Varela
|
Fórmula Outeda |
| 2009 | XXI Subida a Almofrei | Benito Varela
|
Dicode FR |
Notas editar
- ↑ "El domingo II Subida a Irijoa". La Voz de Galicia (en castelán). 14 de febreiro de 1970. p. 16.
- ↑ "Quinzán, de Vigo, vencedor en la II Subida a Almofrey". La Voz de Galicia (en castelán). 3 de abril de 1973. p. 27.
- ↑ "Estanislao Reverter, primero en la IV «Subída al Almofrey»". La Voz de Galicia (en castelán). 1 de abril de 1975. p. 36.
- ↑ "V Subida a Almofrei". La Voz de Galicia (en castelán). 21 de abril de 1976. p. 37.
- ↑ "Alberto González ganó en Pontevedra". La Voz de Galicia (en castelán). 20 de abril de 1977. p. 37.
- ↑ "VIII Subida a Almofrey". La Voz de Galicia (en castelán). 30 de abril de 1982. p. 52.
- ↑ "El 28 de abril se celebrará la «XI Subida a Almofrey»". La Voz de Galicia (en castelán). 2 de abril de 1985. p. 38.
- ↑ "Juan Fernández participará el próximo día 30 en la «Subida a Almofrey»". La Voz de Galicia (en castelán). 21 de agosto de 1987. p. 31.
- ↑ "Egozkue, campeón de España de montaña al vencer en Almnofrey". La Voz de Galicia (en castelán). 31 de agosto de 1987. p. 30.
- ↑ Varela, Tino (29 de setembro de 1995). "La Subida a Almofrei de este año decidirá el campeonato autonómico de montaña". La Voz de Galicia (en castelán). p. 44.
- ↑ "Última prueba del Nacional de Montaña" (PDF). Mundo Deportivo (en castelán). 24 de novembro de 1992. Consultado o 1 de outubro de 2020.