Stade Olympique de la Pontaise

O Stade Olympique de La Pontaise é un estadio de fútbol, situado na cidade de Lausana, capital do cantón de Vaud en Suíza. Serve de sede habitual ao FC Lausanne-Sport, que actualmente milita na Axpo Super League, a primeira división suíza.

Stade Olympique de la Pontaise
Coordenadas	46°32′02″N 6°37′30″L
Localización	Lausana
Inauguración	1904
Capacidade	50000
Eventos
Mundial de Fútbol Suíza 1954
[ editar datos en Wikidata ]

Copa do Mundo 1954

Durante a quinta edición da Copa do Mundo de Fútbol xogáronse neste estadio tres partidos da primeira fase, un duelo de cuartos de final e unha semifinal. O partido de cuartos, Austria 7-5 Suíza, é o duelo con máis goles na historia dos Mundiais ata o momento (2010).

Estes son os partidos do mundial de 1954 que se xogaron neste estadio:

• Primeira fase
  • (16 de xuño): Iugoslavia-Francia (Iugoslavia derrotou a Francia por 1-0). Houbo 27.000 espectadores.
  • (17 de xuño): Suíza-Italia (Suíza derrotou a Italia por 2-1). Houbo 43.000 espectadores.
  • (19 de xuño): Brasil-Iugoslavia (empate 1-1). Houbo 40.000 espectadores.
• Cuartos de final (26 de xuño): Austria-Suíza (Austria derrotou con moitas dificultades a Suíza nun dos partidos máis espectaculares e incribles da historia da Copa do Mundo. O resultado foi de 7-5). Houbo 35000 espectadores.
• Semifinal (30 de xuño): Hungría-Uruguai (Hungría derrotou ao Uruguai por 4-2 e meteuse na final, final na que se enfrontou á República Federal Alemaña. O vencedor do Mundial foi a RFA). Houbo 37000 espectadores.