Skárnio

Skárnio foi un grupo de música galego formado no barrio do Calvario na cidade de Vigo. Defínense coma un colectivo político-musical, sendo a súa música ska con letras comprometidas e con carga política, sobre temas como o independentismo galego, a lingua ou a loita dos traballadores.

Skárnio
Orixe	Vigo, Galiza
Período	1999-2010
Xénero(s)	Ska
Selo(s) discográfico(s)	Arredista produçons
Membros	Paulo (Voz) Manolo (Guitarra) Fran (Guitarra) Xavi (Teclado) Moro (Baixo) Manuel (Batería) Alfonso (Trombón) Dani (saxo alto) Alex (Saxo tenor) Pitxi (Trompeta) Serxio (Saxo alto)
Na rede
http://www.skarnio.info

Traxectoria

Despois dous seus dous primeiros traballos comezaron a destacar, chegando a ofrecer numerosos concertos tanto dentro como fóra de Galiza. Tras este éxito editaron en 2008 un novo disco baixo Creative Commons, licenza copyleft que permite a copia, modificación ou distribución do disco de balde. O CD foi producido baixo o nome de Arredista produçons.

Ao longo da súa carreira nos seus discos teñen colaborado artistas como Juantxo de Skalariak, Almudena de Transilvanians, Mini da Quenlla, Senem de Xenreira, Àlex de Inadaptats ou Iñaki de Betagarri. En marzo de 2010 o grupo anunciou o seu "cesamento da actividade pública por tempo indefinido" nun vídeo-comunicado.

Discografía

• A filosofia da acçom da guerrilha urbana (1999)
• Arredista (2003)
• O nosso caminho (2008)

Véxase tamén

Ligazóns externas

• "Skarnio. Música de combate". Archived from the original on 21 de xuño de 2018. Consultado o 20 de xuño de 2018. 
• Sitio web en myspace