Silver Jews
Silver Jews foi unha banda de indie rock estadounidense procedente de Nova York. Formouna en 1989 David Berman xunto cos membros de Pavement Stephen Malkmus e Bob Nastanovich. Berman foi o único compoñente constante durante toda a carreira do grupo. Nos últimos poucos discos, Cassie Berman, a muller de David, foi unha membro regular de Silver Jews. A banda separaríase no ano 2009 tras publicar seis álbums de estudio.
| Silver Jews | |
|---|---|
 | |
| Orixe | Nova York,  |
| Período | 1989 - 2009 |
| Xénero(s) | country rock, indie rock, country alternativo |
| Selo(s) discográfico(s) | Drag City |
| Membros | David Berman Cassie Berman |
| Na rede | |
| https://www.dragcity.com/artists/silver-jews | |
       | |
Historia
editarPrimeiros anos
editarAínda que adoitaba a ser etiquetado como un proxecto paralelo de Pavement, Silver Jews formouse realmente máis ou menos ao mesmo tempo, cando Berman vivía en Hoboken, Nova Jersey, con dous amigos da universidade de Virxinia, Stephen Malkmus e Bob Nastanovich, cos que gravaba cintas discordantes no salón.[1]
Berman citou falsamente que a orixe do seu nome viña da lectura dunha valla publictaria que rezaba "Silver Jewelry", aínda que afirmou nunha entrevista que realmente a intención do nome era que fose un pseudónimo para unha peza de arte conceptual que posteriormente evolucionou cara a banda.[2] Porén, outros afirman que o nome é unha homenaxe a Silver Apples, The Silver Beatles, ou xerga para xudeus de pelo roxo.[3]
Xira
editarAínda que Berman evitara deliberadamente realizar concertos durante gran parte da existencia da banda, Silver Jews sorprenderon aos seus seguidores iniciando a súa primeira xira tras a publicación do álbum Tanglewood Numbers no ano 2005. A banda xirou por Norteamérica, Europa e Israel durante ese ano. Durante o seu paso por Israel rodouse un documental titulado Silver Jew.[4]
Separación
editarO 22 de xaneiro de 2009 Berman anunciou que planeaba retirarse do mundo da música e que Silver Jews realizaría o seu derradeiro concerto no evento musical Bluegrass Underground nas cavernas Cumberland de McMinnville, Tennessee o 31 de xaneiro.[5] As cavernas están situadas a uns 100 metros baixo a superficie e só estiveron dispoñibles 300 entradas. Berman dixo que o grupo tocaría as súas 15 cancións favoritas. Tamén dixo que a súa intención era dedicarse a escribir guións ou a ser muckraker.[5]
Berman orixinalmente planeou que o concerto fose gravado e emitido no mes seguinte a través da famosa emisora de radio de Nashville WSM AM;[5] porén, o día anterior á actuación, Berman dixo que WSM quedara fóra do trato. O concerto foi gravado con varias cámaras de 16 mm, e Berman insinuou unha posible edición en DVD no futuro.
O 19 de xuño de 2012 Drag City publicou Early Times, un recompilatorio de EPs e sinxelos que foran editados antes do seu álbum de estrea Starlite Walker.
En 2015 Bob Nastanovich publicou unha foto na súa páxina de Facebook coa banda ensaiando. Dixo que a banda estaba traballando en dous temas novos, "The Veranda Over The Toy Shoppe", e "Wacky Package Eyes". David Berman dixo posteriormente que a foto era unha broma.[6] Berman no seu lugar regresou cun novo proxecto, Purple Mountains, en xullo de 2019, pero morreu o seguinte mes.
Discografía
editarÁlbums de estudio
editar| Álbum | Ano | Selo |
|---|---|---|
| Starlite Walker | 1994 | Drag City |
| The Natural Bridge | 1996 | Drag City |
| American Water | 1998 | Drag City |
| Bright Flight | 2001 | Drag City |
| Tanglewood Numbers | 2005 | Drag City |
| Lookout Mountain, Lookout Sea | 2008 | Drag City |
EPs
editar| Álbum | Ano | Selo |
|---|---|---|
| Dime Map of the Reef | 1992 | Drag City |
| The Arizona Record | 1993 | Drag City |
| Tennessee | 2001 | Drag City |
Notas
editar- ↑ Larkin, Colin, ed. (2000). The Virgin encyclopedia of nineties music. London: Virgin in association with Muze UK. ISBN 978-0-7535-0427-7.
- ↑ Blog de Ford (ed.). "Silver Jews Thursday – David Berman on LOMLOC, Writing, and the Ugliness of Failure – Part I". Consultado o 3 de maio de 2018.
- ↑ Allmusic (ed.). "Silver Jews". Consultado o 3 de maio de 2018.
- ↑ IMDB (ed.). "Silver Jew". Consultado o 3 de maio de 2018.
- ↑ 5,0 5,1 5,2 Pitchfork (ed.). "Silver Jews' David Berman Calls It Quits". Archived from the original on 26 de xaneiro de 2009. Consultado o 3 de maio de 2018.
- ↑ "Silver Jews probably aren't reuniting after all". Chart Attack. 2015-02-14. Archived from the original on 14 de febreiro de 2015. Consultado o 2022-07-04.