Serafín Fernández Ramón
Serafín Fernández Ramón, coñecido como Santeiro, nado en Guimara (Peranzais) o 15 de agosto de 1914 e finado en Fontoria o 5 de decembro de 1947, foi un xornaleiro, mineiro e guerrilleiro antifranquista berciano.
| Biografía | |
|---|---|
| Nacemento | 15 de agosto de 1914  Peranzais, España |
| Morte | 5 de decembro de 1947 (33 anos) Villamejil, España |
| Datos persoais | |
| Outros nomes | Santeiro |
| País de nacionalidade | España |
| Actividade | |
| Ocupación | membro da resistencia |
| Lingua | Lingua castelá |
| Carreira militar | |
| Conflito | Guerra civil española |
Traxectoria editar
Fillo dun santeiro da Virxe de Trascastro. Militante da CNT, participou nas accións anarquistas de 1933 en Fabeiro, onde se declarou por breve tempo o comunismo libertario. Tamén participou logo do golpe de Estado do 18 de xullo de 1936 na defensa de Ponferrada contra o exército sublevado, fuxindo cara a Pola de Somiedo en Asturias ao fracasar, uníndose ao exército republicano ata a caída de Asturias en 1937. Serafín decidiu volver ao seu lugar natal e despois botouse ao monte, organizando en 1941 un grupo con xente do Val de Fornela, Ibias e Degaña coñecido como a partida dos Fornelos, a súa zona de actuación abranguía o Bierzo, o occidente de Asturias e parte da provincia de Lugo e contaba cunha importante rede de apoio na zona e aínda que mantiña relacións non se integrou na Federación de Guerrillas de León-Galicia. O seu grupo realizou numerosas accións, a máis coñecida foi a do rescate de presos do destacamento penal de Fabeiro en decembro de 1942. En 1947 intentou marchar a Francia sen éxito, o 5 de decembro dese ano morreu nun enfrontamento coa Garda Civil preto de Fabeiro.
Véxase tamén editar
Bibliografía editar
- Landera, J. A. (2006): "Serafín Fernández Ramón (a) El Santeiro" (PDF), artigo en Resistencia nº 5, León.
- Máiz, B. (1988): Galicia na II República e baixo o franquismo, Ed. Xerais.
- Redondo Abal, Francisco Xavier (2006). Botarse ao monte. Censo de guerrilleiros antifranquistas na Galiza (1939-1965). Sada: Do Castro. p. 62. ISBN 84-8485-231-8.
- Serrano, S. (2002): Maquis. Historia de la guerrilla antifranquista, Temas de Hoy.