Sebastián Rodríguez Carranza
Sebastián Rodríguez Carranza, nado en Valladolid, foi un fotógrafo, xornalista e político español.
| Biografía | |
|---|---|
| Nacemento | Valladolid  |
| Datos persoais | |
| País de nacionalidade | España |
| Actividade | |
| Ocupación | fotógrafo , xornalista , político |
| Partido político | Partido Socialista Obrero Español |
| Lingua | Lingua castelá |
Traxectoria editar
Militante do PSOE. Foi procesado por inxurias ao gobernador civil Manuel Ínsua Sánchez nun artigo publicado no semanario La Hora do 26 de decembro de 1931.[1] En decembro de 1933 foi detido en Marín con Emilio Pardavila pola participación no movemento revolucionario.[2] Nos anos finais da República era veciño de Guitiriz, onde era secretario da Sociedade de Artes e Oficios Varios. Ao estalar a golpe de Estado do 18 de xullo de 1936 foi detido o día 24 e ingresou na prisión de Lugo. Acusado de adhesión á rebelión foi xulgado en consello de guerra en Lugo o 22 de febreiro de 1938,[3] foi condenado a cadea perpetua. En marzo de 1939 foi trasladado á prisión de As Palmas de Gran Canaria.
Notas editar
- ↑ El Pueblo Gallego, 30-12-1933, p. 10.
- ↑ El Pueblo Gallego, 13-12-1933 p. 11.
- ↑ El Progreso, 23-2-1938, p. 4.