Schaan

Schaan é un concello do principado de Liechtenstein, situado ao norte da capital, Vaduz. Contaba en 2010 cunha poboación de 5.766 habitantes, sendo a cidade máis poboada do país.

Schaan
Localización
País	Liechtenstein
Xeografía
Altitude	450 msnm
Superficie	26,8 km²
Demografía
Poboación	5.766 hab. (2010)
Densidade	215 hab/km²
Outros datos
Código postal	9494
Alcalde	Daniel Hilti
www.schaan.li

Xeografía

Limita ao norte cos municipios de Gamprin e Eschen, ao leste con Planken, Frastanz (Austria) e Triesenberg, ao sur con Vaduz, e ao oeste con Buchs (Suíza).

Grazas aos seus tres exclaves limita tamén cos municipios de Balzers e Triesen en Liechtenstein, Nenzing en Austria, e Maienfeld en Suíza.

Lugares de interese

• Capela Dux.
• Concello de Schaan.
• Parroquia de Schaan.
• Estadio Sportplatz Rheinwiese, do FC Schaan.
• Río Rin (ao seu paso pola cidade).

Parroquia en Schaan

Comunicacións

A cidade ofrece unha estación de ferrocarril compartida con Vaduz, e unha estación de autobuses, operativa as 24 horas. Ademais, a cidade ten numerosos carrís bici que conectan coa veciña cidade de Vaduz. A cidade de Schaan é moi famosa no país por ser a sede da fábrica de lácteos Hilcona AG, situada en Schaan alta, e que a comercializa por Liechtenstein, Suíza e Austria.

Deporte

Ademais do seu equipo de fútbol, o FC Schaan, que xoga na liga suíza, conta cun pavillón de deportes, que ten unha piscina, un ximnasio, unha pequena cancha de fútbol, unha de baloncesto e un salón multiusos. No país só hai catro centros deportivos: en Vaduz, Ruggell, Balzers e Schaan.

Véxase tamén

Ligazóns externas

• Sitio oficial do municipio de Schaan (en alemán)