Triesenberg

Triesenberg é un concello situado na metade sur do principado de Liechtenstein. Contaba en 2010 cunha poboación de 2.562 habitantes.

Triesenberg
Localización
País	Liechtenstein
Xeografía
Altitude	884 msnm
Superficie	29,8 km²
Demografía
Poboación	2.562 hab. (2010)
Densidade	84,3 hab/km²
Outros datos
Código postal	9497
Alcalde	Hubert Sele
www.triesenberg.li

Xeografía

Limita ao norte coa cidade de Vaduz, ao nordés con Schaan e Planken, ao leste con exclaves de Schaan, Balzers e Vaduz, ao sur con Triesen e un exclave de Balzers, e ao oeste con Triesen. Ademais grazas ao seu exclave limita tamén co municipio de Nenzing (Austria).

O municipio está formado polas localidades de Triesenberg, Masescha, Silum, Gaflei, Steg e Malbun.

Lugares de interese

• Parroquia de Triesenberg.
• Concello da cidade.
• Pista de esquí de Triesenberg.
• Museo Walzer (museo de historia da cidade).

Igrexa de Triesenberg.

Comunicacións

Triesenberg conta cun teleférico para acceder ao alto da montaña, e que é visitado todos os anos por miles de turistas. Para chegar á cidade, pódese coller un dos moitos autobuses que comunican todo o país. Tamén se pode ir en coche ou en bicicleta, xa que hai moitos carrís bici. Como é un dos municipios máis grandes, conta con cinco pequenas aldeas, que están conectadas por unha rede de autobuses.

Deporte

O FC Triesenberg é un dos sete equipos que hai en Liechtenstein. Aínda que o deporte máis importante da cidade é o fútbol, outros importantes son o esquí e o snowboard, que se practican na estación de esquí que hai preto da cidade. Tamén se practican o hóckey e o balonmán, e estase a promover o ciclismo na cidade. En inverno realízase unha maratón que percorre o municipio.

Véxase tamén

Ligazóns externas

• Sitio oficial do municipio de Triesenberg (en alemán)