Sant Adrià de Besòs

Sant Adrià de Besòs é unha cidade e concello catalán da área urbana de Barcelona. Está situada na desembocadura do río Besòs, entre Barcelona e Badalona. Pertence á comarca do Barcelonès.

Sant Adrià de Besòs

Bandeira Brasón
Localización
41°25′50″N 2°13′06″L
Estado	España
Comunidade autónoma	Cataluña
Provincia	provincia de Barcelona
Ámbito funcional territorial	Ámbito metropolitano de Barcelona
Comarca	Barcelonès
Capital	Sant Adrià de Besòs (en)
Poboación
Poboación	37.925 (2023) (9.980,26 hab./km²)
Número de fogares	5 (1553)
Lingua oficial	lingua catalá
Xeografía
Superficie	3,8 km²
Bañado por	Río Besòs e Mar Mediterráneo
Altitude	14 m
Comparte fronteira con	Barcelona Santa Coloma de Gramenet Badalona
Santo padrón	Adrián de Nicomedia
Organización política
• Alcaldesa	Filo Cañete Carrillo (en) (2021–)
Identificador descritivo
Código postal	08930
Fuso horario	UTC+01:00
Código INE	08194
Código territorial IDESCAT	081944
Outro
Irmandado con	San Adrián Saint-Chamond Bilbao
Sitio web	sant-adria.net

Vista do río Besòs, ao seu paso por Sant Adrià

Historia

A orixe da poboación remóntase a 1012 ao formarse a vila en torno á igrexa parroquial, na beira esquerda do río Besòs. Na súa orixe era unha poboación principalmente agrícola.

Ao ser unha poboación próxima ao río Besòs sufría as chamadas "besosadas" (aumentos do caudal do río) que destruían a poboación por inundacións. Tamén ao atoparse no camiño por onde se atravesaba o río para chegar á cidade de Barcelona supúxolle problemas. As tropas inimigas que pasaban por alá dirixíndose á cidade destruían o pobo ao seu paso, como ocorreu os anos 1114 debido aos musulmáns e 1697 aos franceses.

Na revolución industrial empezáronse a implantar as industrias crecendo os habitantes da poboación e ao principio do século XX obtivo un novo pulo grazas ás súas dúas centrais térmicas: Enerxía Eléctrica de Cataluña (posteriormente FECSA) e Compañía de Fluído Eléctrico (popularmente coñecida como La Catalana).

En 1938, durante a guerra civil Española, foi bombardeada xa que era punto de interese militar polas súas centrais térmicas así como as súas fábricas. En 2007 rehabilitouse como museo un dos refuxios antiaéreos utilizado pola cidadanía.

A día de hoxe ten empresas do sector de servizos, industrias e as centrais térmicas situadas a cada lado do río. Das centrais térmicas a máis famosa posúe tres chemineas de 200 m que producen alto nivel de contaminación, tanto ambiental como paisaxística.

Actualmente leváronse a cabo diversos proxectos con para mellorar a calidade da auga do río, como a rehabilitación das beiras do río Besòs. Tamén se realizaron cambios importantes grazas á celebración do Fórum 2004 retornando o tranvía á poboación. Ademais o acontecemento serviu para embelecer a zona costeira e crear un porto deportivo moderno, renovando as instalacións das depuradoras da zona. Tamén se atopa en fase de renovación dalgúns barrios así como a creación de novas zonas de vivendas.

Barrio de La Mina

O barrio de La Mina foi construído polo Instituto Municipal da Vivenda no ano 1969, para a erradicación de diferentes núcleos de barracas de Barcelona. (Camp de la Bota, Pequín, la Perona, el Somorrostro, Can Tunisia e Montjuic). En 1975, la Mina tiña xa máis de 15.000 habitantes e 2.029 vivendas.

O barrio de La Mina sitúase no termo municipal de Sant Adrià de Besòs, pero unido fisicamente coa cidade de Barcelona (máis cerca que o centro de Sant Adrià, do cal sepáralle o río Besòs e a Ronda del Litoral). Actualmente a área residencial de La Mina está formada por vinte bloques de entre 5 e 12 pisos. O número total de vivendas é de 2.721, e o de locais de 181.

La Mina conta coa metade da poboación total de Sant Adrià, e xunto ao barrio de La Catalana ocupa o 60 % do termo do municipio.

Demografía

Evolución demográfica

1900	1930	1950	1970	1981	2000	2009
418	6.515	10.227	24.452	36.052	32.452	34.327

Galería de imaxes

• 
  Praza do concello.
• 
  Praza da igrexa.
• 
  Central de produción eléctrica.

Véxase tamén

Ligazóns externas

• Sitio web oficial