San Xosé, Costa Rica

cidade de Costa Rica, capital do país

San Xosé (en castelán San José) é a capital e a cidade principal de Costa Rica. É tamén a capital da provincia homónima. Está situada no centro do país, nun planalto montañoso a 1.161 m sobre o nivel do mar, o que tempera o clima tropical do territorio.

Modelo:Xeografía políticaSan Xosé, Costa Rica
San José (es) Editar o valor em Wikidata
Imaxe

Nomeado en referencia aXosé de Nazaret Editar o valor em Wikidata
Localización
Mapa
 9°55′57″N 84°04′46″O / 9.932511, -84.079581Coordenadas: 9°55′57″N 84°04′46″O / 9.932511, -84.079581
EstadoCosta Rica
Província da Costa Rica (pt) TraducirProvincia de San José Editar o valor em Wikidata
Capital de
Poboación
Poboación288.054 (2011) Editar o valor em Wikidata (6.455,71 hab./km²)
Xeografía
Superficie44,62 km² Editar o valor em Wikidata
Altitude1.161 m Editar o valor em Wikidata
Creación21 de maio de 1737 Editar o valor em Wikidata
Organización política
• Xefe do gobernoJohnny Araya Monge (pt) Traducir (2016–) Editar o valor em Wikidata
Membro de
Identificador descritivo
Fuso horario
Prefixo telefónico506 Editar o valor em Wikidata
Outro
Irmandado con

Páxina webmsj.go.cr Editar o valor em Wikidata
BNE: XX453200

Consonte o censo do ano 2006, o municipio (cantón) de San Xosé tiña 339.588 habitantes, cosa que indica o seu rápido medramento os últimos anos, xa que en 1950 apenas alcanzaba os 87.000. Mais a área metropolitana supera os 2.500.000 de habitantes.

En 1843 estabeleceuse a Universidade de Costa Rica, hoxe denominada "Universidade de Santo Tomás". San Xosé é tamén a sede do Tribunal Interamericano de Dereitos Humanos. As conexións aéreas co resto do mundo realízanse a través do Aeroporto Internacional Juan Santamaría, localizado a 23 km ao oeste do centro urbano, preto da localidade de Alajuela.

Xeografía

editar

A cidade fica no centro do país, na meseta do Valle Central, a 1.161 m de altitude media. Dista 130 quilómetros de Puerto Limón, na costa do mar Caribe e 115 km de Puntarenas, no litoral do océano Pacífico.

Historia

editar

Fundado en 1737, San Xosé era un pequeno poboado de escasa importancia arredor de 1824, ano no que o primeiro xefe de estado de Costa Rica, o liberal Juan Mora Fernández, decidiu delocar para aquí o goberno, que antes residía en Cartago, a antiga capital colonial, para convertela nunha cidade de novo cuño. Era unha época de grande euforia na recentemente independizada Federación de Centroamérica, da que Costa Rica era un dos estados integrantes. A nova capital medrou con rapidez, estendéndose polo val. A causa da súa orixe serodia no século XVIII, en San Xosé non fican apenas vestixios de arquitectura colonial, tan habitual noutras capitais de Latinoamérica. No 9 de agosto de 1884, San Xosé tornouse na primeira cidade da América Latina que foi iluminada por enerxía eléctrica.

Lugares de interese

editar

Como sitios destacados da cidade han de se cita os edificios do Banco Central de Costa Rica e do Banco Nacional (este último moito máis alto que as edificacións dos arredoress, algo que conforma o perfil peculiar da urbe), o parque metropolitano de La Sabana ou a Avenida Central (rúa peonal que é unha das principais áreas comerciais da cidade). O Parque Morazán e a Praza da Cultura son visitados por miles de traballadores e turistas cada día. Outros edificios salientes do centro urbano son o Teatro Nacional de Costa Rica e o Teatro Melico Salazar, centros da vida cultural, e a Catedral. Na parte sur, debemos lembrar a Clínica Bíblica (un hospital privado) e a estación do Ferrocarril del Pacífico.

A cidade posúe varios museos, como o Museo do Ouro, con mostras das antigas civilizacións precolombianas; o Museo de Arte e Deseño Contemporáneo, o Museo de Xade, o Museo Nacional, dedicado á historia do país, o Museo de Arte Costarriqueño etc.

San Xosé ten unha animada vida nocturna en zonas como El Pueblo, a Calle de la Amargura de San Pedro, Heredia, Escazú e Santa Ana.

Nas aforas da cidade está situado o Xardín Botánico Lankester, de 11 hectáreas, no que sobresae a colección de orquídeas.

Cidades irmandadas

editar

Entre outras:

Véxase tamén

editar