STS-103
STS-103 foi unha misión do transbordador espacial Discovery lanzada o 20 de decembro de 1999 desde a rampla 39B do Centro de Lanzamento de Cabo Cañaveral.[2][3][5][6]
| STS-103 | |
|---|---|
.jpg) O telescopio espacial Hubble na bodega de carga do transbordador Discovery durante a misión STS-103. | |
| Tipo | Tripulado |
| Organización | NASA |
| Data de lanzamento | 20 de decembro de 1999, 00:50 GMT[1][2][3][4] |
| Foguete portador | Transbordador espacial[3][5] |
| Sitio de lanzamento | Centro de Lanzamento de Cabo Cañaveral, rampla 39B[3][6] |
| Duración da misión | 7,97 días[6] |
| Obxectivo da misión | Servizo e mantemento do Telescopio Espacial Hubble.[3][6] |
| Regreso | 28 de decembro de 1999[6] |
| Sitio de regreso | Centro de Lanzamento de Cabo Cañaveral, Florida[6] |
| NSSDC ID | 1999-069A |
Características editar
STS-103, con sete astronautas a bordo, foi a terceira misión para dar servizo, reparar e mellorar o Telescopio Espacial Hubble. A tripulación constaba de Curtis L. Brown (comandante), Scott J. Kelly (piloto), Steven L. Smith (comandante de carga) e os especialistas de misión Michael Foale, John M. Grunsfeld, Claude Nicollier e Jean-François Clervoy. O lanzamento viuse atrasado ata nove veces por problemas técnicos e no último momento posible para evitar o posible efecto 2000 nos ordenadores do transbordador no espazo.[3][5][6][7]
Tras ser posto en órbita, o Discovery manobrou para achegarse ata o Hubble, capturándoo co seu brazo robótico o 22 de decembro. Durante a primeira actividade extravehicular, de 8 horas e 15 minutos de duración, Smith e Grunsfeld fixeron varias reparacións, substituíron os seis xiroscopios do telescopio e instalaron seis conxuntos de controis de temperatura e voltaxe mellorados entre os paneis solares e as baterías. Durante o segundo paseo espacial, levado a cabo por Foale e Nicollier, instalouse un novo ordenador vinte veces máis rápido que o anterior e un novo sensor de guiado de precisión. A actividade extravehicular durou 8 horas e 10 minutos. Na terceira saída, Smith e Grunsfeld estiveron foran máis de 8 horas instalando un transmisor para o envío de datos a terra e unha nova grabadora de datos con capacidade para 12 GB. Unha cuarta actividade extravehicular foi cancelada para adiantar o regreso do transbordador.[3][5][6]
O Discovery aterrou no Centro de Lanzamento de Cabo Cañaveral, Florida, o 28 de decembro de 1999.[3][5][6]
Notas editar
- ↑ N2YO (2011). Real Time Satellite Tracking, ed. "STS 103" (en inglés). Consultado o 25 de decembro de 2017.
- ↑ 2,0 2,1 "Note verbale dated 7 March 2000 from the Permanent Mission of the United States of America to the United Nations (Vienna) addressed to the Secretary-General" (PDF) (00-52637(E)). 29 de marzo de 2000: 14. Arquivado dende o orixinal (PDF) o 20 de outubro de 2016. Consultado o 25 de decembro de 2017.
- ↑ 3,0 3,1 3,2 3,3 3,4 3,5 3,6 3,7 NASA (21 de marzo de 2017). "STS 103" (en inglés). Arquivado dende o orixinal o 08 de marzo de 2016. Consultado o 25 de decembro de 2017.
- ↑ Claude Lafleur (2010). "STS-103" (en inglés). Consultado o 25 de decembro de 2017.
- ↑ 5,0 5,1 5,2 5,3 5,4 Gunter Dirk Krebs (2016). Gunter's Space Page, ed. "Shuttle" (en inglés). Consultado o 25 de decembro de 2017.
- ↑ 6,0 6,1 6,2 6,3 6,4 6,5 6,6 6,7 6,8 Mark Wade (2011). "STS-103" (en inglés). Consultado o 25 de decembro de 2017.
- ↑ NASA (23 de novembro de 2007). "STS-103" (en inglés). Arquivado dende o orixinal o 07 de maio de 2021. Consultado o 27 de outubro de 2021.
Véxase tamén editar
| Wikimedia Commons ten máis contidos multimedia na categoría: STS-103 |