No legendarium do escritor J. R. R. Tolkien e na novela O Señor dos Aneis, rohirrim é o nome que lle daban en Gondor ós Señores dos Cabalos, os homes de Rohan. É un termo sindarin, composto pola palabras roch + hîr, "señor", "amo", da raíz ROCH, que significa "cabalo" e a palabra rim que significa "hoste", "pobo"; derivado da raíz RIM. Eles mesmos denominábanse eorlingas: "os homes da Casa de Eorl", xa que descendían de Eorl o Xove (2485-2545). O seu nome en singular era rohir.

Rohirrim
Espectros do Anel, Xinetes Escuros
Cabaleiro rohir
LíderThéoden
Mundo de orixeTerra Media
Base de operaciónsRohan, na Terra Media
Linguarohírrico

Son parentes do pobo de Hador que non cruzaron as Montañas Bretemosas, polo que as súas características físicas eran semellantes: a gran maioría eran altos e de gran fortaleza física, de pelo loiro e ollos azuis. Por estas características, os dunlendinos chamábanos Forgoil, "Cabezas de Palla".

Casco rohir na triloxía de Peter Jackson.

Os rohirrim son descendentes directos dos éothéod, aqueles homes do norte que habitaron, primeiro nos Vales do Anduin, e despois nos Altos Vales do Anduin nos séculos XIX e XXV da Terceira Idade do Sol. En virtude da axuda dada ó reino de Gondor trala Batalla dos Campos de Celebrant, o Senescal Cirion deulles a terra de Calenardhon, para que habitaran nela, conformando o Reino de Rohan.

Este pobo participou en moitas batallas a finais da Terceira Idade, pero principalmente na Guerra do Anel. As máis importantes foron, a Batalla do Abismo de Helmo e a Batalla dos Campos de Pelennor, nas que se enfrontaron ás forzas de Saruman e Sauron, respectivamente.

Véxase tamén editar

Outros artigos editar