Abrir o menú principal

Robert Kalina

deseñador de billetes austríaco

TraxectoriaEditar

Robert Kalina graduouse en 1975 no Instituto Superior de Deseño Gráfico e Investigación e só un ano despois pasou a formar parte do cadro de persoal do banco nacional do seu país, onde comezou a súa carreira de deseñador de billetes cos seus proxectos para as emisións en xilins do seu país en 1982. A partir dese ano foi o autor dos deseños de todos os billetes emitidos por Austria ata 2002.[1]

Como artista autor da proposta presentada pol Banco Nacional de Austria, resultou gañador en 1996 da competición para elixir o deseño da primeira serie dos billetes de euro que empezarían a circular o 1 de xaneiro de 2002. A elección do seu proxecto entre os 44 participantes produciuse no consello do Instituto Monetario Europeo do 3 de decembro de 1996.[2] A súa proposta rompeu coa tradición de representar persoeiros de relevancia histórica e aplicou motivos vinculados á historia da construción europea a través de pontes, portas e fiestras en diferentes estilos arquitectónicos característicos de todo o continente, como metáfora do espírito de apertura, unión e cooperación da Unión Europea.[3][4]

En 2013 realizouse un redeseño destes billetes, para o BCE escolleu un deseñador independente, o alemán Reinhold Gerstetter, que non variou a esencia dos deseños iniciais de Kalina.[5][6]

A Kalina débenselle tamén os deseños doutros billetes de diversos países, como os acerbaixanos con valor facial en manats, a serie de Libia de 2010 con valor en libras, e o billete de 200 marcos convertibles da serie de 2002 de Bosnia e Hercegovina, cunha ponte no reverso que lembra os da serie de euros do mesmo ano.[7]

En 2011, Kalina xubilouse como empregado do Banco Nacional de Austria.[8]

PremiosEditar

  • Cruz de Honra das Ciencias e as Artes de Austria (1ª clase).
  • 2011: Medalla de Ouro polos Servizos Prestados á República de Austria.
  • 2017: Premio do título de Berufstitels Professor.[9]

Galería de deseños de Robert KalinaEditar

Billetes en xilins austríacosEditar

Billetes de Acerbaixan en manatsEditar

Billetes en eurosEditar

NotasEditar

  1. "Robert Kalina – Schöpfer der Euro Banknoten". En www.geldschein.at.
  2. "Concurso de diseño de la primera serie de billetes en euros". Banco Central Europeo.
  3. ECB (2009). Páxinas 82-83.
  4. "¿Cómo se pensaron y diseñaron los billetes del euro?". En Nuevatribuna.es. 7 de xullo de 2017
  5. Gerstetter, Reinhold. "Trajes nuevos para el euro". En Billetería. Nº 10. Banco de España. Páxina 21.
  6. "Reinhold Gerstetter – Designer der zweiten Euro Serie (Europa-Serie)". En www.geldschein.at.
  7. "Azerbaijan New Manat". En Oanda.com.
  8. ""trend": Euro-Designer Robert Kalina geht mit 55 in Pension". En APA-OTS. 30 de xaneiro de 2011.
  9. "OeNB-Grafiker Robert Kalina erhielt Professorentitel". En APA-OTS. 5 de maio de 2017.

Véxase taménEditar

Outros artigosEditar

BibliografíaEditar

Ligazóns externasEditar