Robert I. Nesmith
Robert I. Nesmith, nado en Nova York o 16 de setembro de 1891 e finado o 28 de xullo de 1972, foi un fotógrafo e numismático estadounidense, especialista no achado de tesouros.
| Biografía | |
|---|---|
| Nacemento | 16 de setembro de 1891 |
| Morte | 28 de xullo de 1972. |
| Datos persoais | |
| País de nacionalidade |  Estadounidense |
| Educación | Universidade de California en Berkeley. |
| Coñecido por | Estudos de moeda americana. |
| Actividade | |
| Campo de traballo | Numismática. |
| Membro de | |
| Familia | |
| Cónxuxe | Marg Sammons. |
| Premios | |
| 1958: Medalla Huntington (ANA). | |
Traxectoria editar
Fotógrafo editar
Robert Nesmith foi o titular dunha compañía de fotografía chamada R. I. Nesmith & Associates, na cidade de Nova York.[1][2]
Tamén ocupou o cargo de fotógrafo xefe e director do Copper Comando, unha publicación periódica quincenal nada en 1942 e publicada durante a segunda guerra mundial que destacaba a importancia da produción de metais en tempos de guerra.[1][2]
No Cooper Comando, Nesmith contaba con Marg Sammons como editora asociada neste proxecto, e ambos acabaron contraendo matrimonio e establecendo a consultora de comunicación Newcomb and Sammons, con sede en Chicago.[2]
Posteriormente Nesmith foi o propietario e director da libraría The Foul Anchor, en Rye, Nova York, especializada na procura de tesouros.[1][2]
Numismático editar
Paralelamente á súa profesión como fotógrafo, Neismith foi un apaixonado pola numismática. En 1943 ingresou na American Numismatic Society como membro asociado, e en 1944 pasou a ser membro de plano dereito.[1]
Dentro do ámbito numismático especializouse na descuberta de tesouros monetarios e doutro tipo, ámbito sobre o que publicou algúns estudos.[1][3][4]
Como coleccionista, centrou o seu interese na moeda española e hispanoamericana. A súa colección foi vendida en diversas poxas públicas a partir de 1950 e durante as décadas seguintes.[5][6]
Recoñecementos editar
- 1958: Medalla Huntington, da American Numismatic Society, de Nova York.[3][7]
Publicacións editar
Esta é unha escolma dos traballos monográficos publicados por Robert I Nesmith ao longo da súa traxectoria:
- (1955). The Coinage of the First Mint of the Americas at Mexico City 1536-1572. American Numismatic Society, Nova York.
- (1958). Dig for Pirate Treasure. Bonanza Books, Nova York.
- (1968). Treasure... How and whwrw to find it (con J. S. Potter). Arco, Nova York.
Notas editar
- ↑ 1,0 1,1 1,2 1,3 1,4 "Nesmith, Robert I., 1891-1972". American Numismatic Society (Numismatics.org).
- ↑ 2,0 2,1 2,2 2,3 "Robert I. Nesmith photographs, 1942-1944". Archives West. Montana Historical Society.
- ↑ 3,0 3,1 Smith, P. (2012).
- ↑ "Robert I. Nesmith's Treasure Hunter Brotherhood". En The E-Sylum: Vol. 23. Nº 47. 22 de novembro de 2020.
- ↑ Mail bid sale Nº 10: The George W. Husker collection, the Robert I. Nesmith collection. H. Grunthal / Numismatic Fine Arts, 1951. Páxinas 37-42.
- ↑ Richard Henry Harding, Robert I. Nesmith, Spartacus. Selections for Auction. Henry Christensen Inc, 1970. Páxinas 48-49.
- ↑ "The Huntington Medal Award". American Numismatic Society.
Véxase tamén editar
Bibliografía editar
- Smith, P. (2012). "Nesmith, Robert I.". En American Numismatic Biographies. Páxina 312.