Richard Dreyfuss

Richard Dreyfuss
	;
Nome orixinal	(en) Richard Stephen Dreyfuss
Biografía
Nacemento	29 de outubro de 1947 (77 anos); Brooklyn (Estados Unidos de América)
Residencia	Encinitas
Educación	High School de Beverly Hills (pt)
Altura	165 cm
Lateralidade	manicho
Actividade
Ocupación	actor, actor de cinema, novelista, actor de televisión, actor de teatro
Período de actividade	1964 -
Familia
Cónxuxe	Jeramie Rain (1983–1995)
Fillos	Harry Dreyfuss, Emily Dreyfuss, Ben Dreyfuss
Irmáns	Lorin Dreyfuss
Premios
	(1979) BAFTA ao mellor actor, premiado polo traballo The Goodbye Girl (pt) ; (1978) Óscar ó mellor actor, premiado polo traballo The Goodbye Girl (pt) ; (1978) Globo de Ouro ó mellor actor - Comedia ou musical, premiado polo traballo The Goodbye Girl (pt) ; estrela no Paseo da Fama de Hollywood ;
	Sinatura
Descrito pola fonte	Obálky knih,

Richard Dreyfuss, nado en Brooklyn, Nova York o 29 de outubro de 1947, é un actor estadounidense.

Traxectoria

Fillo dun avogado, os primeiros anos da súa vida transcorreron en Nova York, ata que, á idade de nove anos, trasladouse coa súa familia aos Ánxeles (California), onde comezou a súa carreira como actor. Participaba en obras teatrais no centro xudeu de Beverly Hills. Aos 15 anos de idade foi seleccionado para actuar en televisión. Matriculouse na universidade, pero ao ano foi chamado a filas para ir á guerra de Vietnam. Declarouse obxector de conciencia e absolveu un servizo alternativo como auxiliar nun hospital. Ao mesmo tempo interveu en pequenos papeis de series de televisión. Durante os anos seguintes actuou en varios teatros de Nova York, tanto en Broadway, como noutros teatros.

A primeira participación de Dreyfuss nunha película de cine foi moi curta, no graduado, na que tivo que dicir unha soa frase. Pouco despois interveu en Dillinger e,sobre todo, en American Graffiti, en 1973, película que tivo un considerable éxito, e na que participou tamén Harrison Ford.

O seu primeiro papel protagonista tívoo Dreyfuss nun filme canadense, e despois xa foi contratado por Steven Spielberg para Tiburón, película coa que Dreyfuss deuse a coñecer ás grandes audiencias. Dous anos despois Spielberg contou con el de novo para Encontros na terceira fase, que tivo un éxito comparable á anterior. A partir de entón a carreira de Dreyfuss seguiu unha traxectoria ascendente. En 1977 interpretou The Goodbye Girl, película pola que gañou un Oscar ó mellor actor. Foi o actor máis novo en recibir este galardón na historia dos Oscar.

Durante os seguintes anos, Dreyfuss interveu en varias películas, pero ningunha delas tivo un éxito significativo de portelo. Isto contribuíu posiblemente a que tomase drogas en doses crecentes, ata que sufriu un accidente de coche. A raíz diso ingresou nun centro de desintoxicación e conseguiu librarse das drogas. Volveu entón ao cine e actuou en varias películas, nas que demostrou que seguía sendo o mesmo gran actor. Desde entón foi aparecendo de forma regular non só no cine, senón tamén en televisión e no teatro, e é considerado como un dos actores máis sólidos e apreciados do momento actual.

Dreyfuss estivo casado por primeira vez entre 1983 e 1995, de cuxo matrimonio ten tres fillos. En 1999 casou por segunda vez.

Dreyfuss padece de trastorno bipolar. En 2006, apareceu no documental de Stephen Fry, Stephen Fry: The Secret Life of the Manic Depressive, onde Fry (quen tamén padece desta desorde) entrevistouno en relación á súa vida coa enfermidade.

Filmografía

Poseidon (2006)
Who Is Cletis Tout? (2001)
The Old Man Who Read Love Stories (2001)
A tribo dos Krippendorf (1998)
Anoitece en Manhattan (1997)
Mad Dog Time (1996)
James e o melocotón xigante (1996; voz)
Mr. Holland's Opus (1995)
O presidente e Miss Wade (1995)
The Last Word (1995)
Silent Fall (1994)
Procedemento ilegal II (1993)
Lost in Yonkers (1993)
What About Bob? (1991)
Once Around (1991)
Postcards from the Edge (1990)
Rosencrantz and Guildenstern Are Dead
Always, para sempre (1989)
Let It Ride (1989)
Moon Over Parador (1989)
Nuts (1987)
Procedemento ilegal (1987)
Tin Men (1987)
Conta comigo (1986)
Down and Out in Beverly Hills (1986)
The Buddy System (1984)
A miña vida é miña (1981)
O concurso (1980)
The Big Fix (1978)
The Goodbye Girl (1977)
Encontros na terceira fase (1977)
Tiburón (1975)
Inserts (1975)
The Second Coming of Suzanne (1974)
The Apprenticeship of Duddy Kravitz (1974)
Dillinger (1973)
American Graffiti (1973)
Hello Down There (1969)
The Young Runaways (1968)
O graduado (1967)

Premios

Oscars

Ano	Categoría	Película	Resultado
1995	Oscar ó mellor actor	Profesor Holland	Candidato
1977	Oscar ó mellor actor	A chica do adeus	Gañador

Globos de Ouro

Ano	Categoría	Película	Resultado
1995	Globo de Ouro ó mellor actor - Drama	Profesor Holland	Candidato
1987	Globo de Ouro ó mellor actor secundario	Loca	Candidato
1977	Globo de Ouro ó mellor actor - Comedia ou musical	A chica do adeus	Gañador
1973	Globo de Ouro ó mellor actor - Comedia ou musical	American Graffiti	Candidato