Ribulosa

A ribulosa é unha cetopentosa, un monosacárido de cinco átomos de carbono (é unha pentosa), que ten no carbono 2 un grupo cetona (é unha cetosa). Presenta dous enantiómeros: D-ribulosa e L-ribulosa. O isómero D é o importante na natureza. D-ribulosa é o diastereoisómero da D-xilulosa. Os seus carbonos asimétricos son o 3 e o 4, ambos os dous cos OH á dereita, e o seu nome IUPAC é (3R,4R)-1,3,4,5-Tetrahidroxipentan-2-ona.

D-Ribulosa
Nome IUPAC (3R,4R)-1,3,4,5-Tetrahidroxipentan-2-ona
Outros nomes D-eritro-2-Pentulosa Adonosa Arabinulosa Arabocetosa Ribosona
Identificadores
Número CAS	488-84-6, (D) 2042027-5 (L) 5556-48-9 (DL)
PubChem	151261
Imaxes 3D Jmol	Image 1
SMILES D: C([C@H]([C@H](C(=O)CO)O)O)O L: OCC([C@@H](O)[C@@H](O)CO)=O
Propiedades
Fórmula molecular	C5H10O5
Masa molar	150,13 g mol−1
Se non se indica outra cousa, os datos están tomados en condicións estándar de 25 °C e 100 kPa.

Funcións

Xunto coa frutosa e a sedoheptulosa é a cetosa máis importante.

Un derivado da ribulosa, a ribulosa-5-fosfato intervén na ruta da pentosa fosfato, onde pode isomerizarse a ribosa-5-fosfato, que se utilizará na síntese de nucleótidos.

Outro derivado fosfatado, a ribulosa-1,5-bifosfato é a molécula na que se fixa o carbono no ciclo de Calvin da fotosíntese.

A ribulosa é importante na síntese de diversas substancias bioactivas. Por exemplo, a D-ribulosa é un intermediato na vía de síntese do D-arabitol en fungos.

Unha forma sintética da ribulosa coñecida como sucrorribulosa pode atoparse atoparse nalgunhas marcas de edulcorantes artificiais como edulcorante secundario.

Véxase tamén

• Arabinosa
• Ribosa
• Xilulosa