Ribasieira, Porto do Son
San Fins de Ribasieira é unha parroquia que se localiza no leste do concello de Porto do Son. Segundo o padrón municipal (INE 2020) ten 87 habitantes (46 homes e 41 mulleres) distribuídos en 10 entidades de poboación.
| Ribasieira | |
|---|---|
 Igrexa parroquial. | |
| Concello | Porto do Son[1] |
| Provincia | A Coruña |
| Coordenadas | 42°40′11″N 8°59′07″O / 42.66981287, -8.98532363 |
| Poboación | 87 hab. (2020) |
| Entidades de poboación | 10[1] |
| [ editar datos en Wikidata ] | |
Patrimonio
editarA súa igrexa parroquial, de estilo neoclásico, data do século XVIII. Está formada por muros ben definidos de cantería de granito, que lle dan unha forma compacta. A nave é rectangular, dividida en dous treitos por un arco de medio punto que separa o presbiterio do resto do templo. No lateral esquerdo deste presbiterio hai unha pequena sancristía, desmarcándose da igualdade da nave, co coro situado aos pés.
A cuberta, a dúas augas, está sobre unha estrutura de madeira. No exterior a decoración é moi sobria, o que resalta a súa volumetría. A fachada principal ten unha pequena espadana de arcada única.
Galería de imaxes
editar- Artigo principal: Galería de imaxes de Ribasieira, Porto do Son.
-
Pombal en Cabrais. -
Cruceiro con capela en Cabrais. -
-
Lugares e parroquias
editarLugares de Ribasieira
editar| Lugares da parroquia de Ribasieira no concello coruñés de Porto do Son | |
|---|---|
|
Bustiguillade | Bustoseco | Cabrais | Calvelle | Godón | Inxerto | A Madanela | Pousacarro | Tara | Xufres |